時事議題 · 15.09.2022
從2019到2020年之間的若水之夏，對於任何一個香港人來講，實在發生了太多太多的事情。
整個城市積聚已久的政治能量一次過大爆發，猶如把一塊巨石拋入表面平靜，但已充滿暗湧的湖水，激起萬重浪，也拍打到身在他鄉的每一個香港人，驅使我們盡自己所能，在異地加入抗爭。
時事議題 · 02.07.2020
我自己無咩聽德文歌，所以亦從來無咩推介。不過今日想講一首歌，叫80 Millionen，歌手係Max Giesinger。
呢首歌大家有可能聽過，因爲佢有一個歐冠盃嘅版本，每次德國隊參加咩足球比賽，大家都會喺電視聽到。
2020年，德國音樂節目Sing meinen Song有一個Rapper叫MoTrip，佢重新填詞，寫咗一個版本，講述佢從黎巴嫩逃避家鄉戰火，到達德國嘅過程。
估唔到，睇新聞，成日都覺得啲人道危機距離自己好遠，點知轉眼之間，香港人已經可以變成難民。
時事議題 · 26.06.2020
其實呢，坦白講，自己喺德國做嘅嘢，有幾有用，我唔係唔知。但係有時候人做一樣嘢，唔係淨係睇有無用而做。
投身德國線之後，媒體，記者或者其他學者訪問我，都會問呢個問題：「點解？」標準答案我會講話係「Hilflosigkeit」。
無助。
不過除咗負面嘅情緒會驅動我做嘢之外，更加多嘅係正面嘅情緒。容許我講兩個故仔畀大家聽：
時事議題 · 24.05.2020
香港「nullen」
德文有一個獨特嘅動詞，叫nullen。德文Null，本來係一個數字，係「零」咁解。如果佢變咗做一個動詞，唔係代表「歸零」，而係講人生正式進入下一個十年，理論上要慶祝一下。
係呀，今日我牛一，終於從「二字尾」進入「三張」嘅境界。雖然我仍然未有村上春樹嘅境界，覺得人點樣都唔會霎那間變老，但係我聽過好多人講，話三十歲呢一條界線，係人生踏入壯年嘅一個里程碑。
時事議題 · 26.11.2019
區議會選舉嘅勝利，證明咗香港人嘅民意企響邊邊。你俾機會和理非出場，都可以幫到國際戰線提升戰力。
但係，大家知道，香港人，今次緊守和勇不分嘅宗旨。咁無可避免，區選消息蜜月期一過，外媒一定會再講暴力，暴力，暴力。
之前喺慕尼黑個演講，我都有準備點樣攬勇武嘅手足，內容有機會再講…等我下年一月正式投入失業大軍之後就大把時間講啦🤣。
時事議題 · 25.11.2019
有關區選，本來我有少少嘢想講，但係無咩契機講，頭先終於見到。
FAZ出咗一篇有關區選嘅報導，題目係Aufstand an der Urne，中文可以翻譯成『票箱旁的起義』。
好笑嘅係，Urne呢個字，除咗可以翻譯成票箱，仲可以翻譯成骨灰盅。
時事議題 · 21.11.2019
「明白呀，我記得我離開以前間公司嘅時候，已經做咗十三年，其實我好鍾意間公司，但係自己諗過，想要有一個突破，結果我就決定辭職。所以我真係明白，唔需要擔心。」
我老細真係絕非「腦細」，連我跟緊個大Project之際，「驚喜式」辭職都可以咁體諒人。 二零二零年一月一日開始，我會脫離我深愛嘅全職工程師身份，喺自己「三張」來臨之前，開展我人生嘅另一個階段。
時事議題 · 18.11.2019
世間上有三種暴力。
第一種係所有暴力之母，就係制度暴力，佢將霸權，打壓，剝削合理化，持續化，呢種暴力，猶如一部無聲順滑嘅機器，壓死攪碎成千上萬嘅生命。
第二種係革命暴力，佢嘅出現，係爲咗反抗第一種暴力。
第三種暴力，係鎮壓形式嘅暴力，呢種暴力希望可以消滅第二種暴力，並且會協助，順從第一種暴力——引起所有暴力嘅真正暴力。
時事議題 · 06.10.2019
如果大家有睇開我之前寫嘅嘢，其實我自己本身寫嘢，係粗口都無咩點寫的。上一次回應嘅時候，加入大量粗俗嘅比喻，甚至『花式摟屌』（套用盧兄回應講法），以謾罵嘅形式，針對之前批評者嘅言論，純粹係希望大家可以用最直接嘅方法，理解我嘅論點。如果當中有人覺得我呢個講法，係割席嘅行為，或者分化咗大家嘅戰意，係我玩膠玩過龍，喺度我絕對可以同大家道歉。
我好清楚覺得唔接受我觀點嘅朋友，極大部分都係同道中人，如果你地可以提出一啲有關赤納粹比較，喺德國可以走到咩教育路線嘅討論，我絕對歡迎。好希望大家可以繼續努力。
時事議題 · 03.10.2019
我知道，呼籲停用『赤納粹』嘅講法，一定會引起爭議，不過我都照講，俾人插都咁話。
有人話我唔回應，話我走住嚟屌，我自己無呢個意思，不過有營養嘅討論，要啲時間消化同寫咁解。
我喺度希望可以再針對返回應我呼籲嘅意見，疑問，等大家明白我點解會咁講。