A1 網上德文課程
全新 A1網上課程，幫你理解德文基礎
完全掌握德文入門
「學」德文之前，首先要「理解」德文，先會學得成！
我估你可能都有試過上網睇片自學，或者買書返嚟自己睇，甚至已經上過少少Course。
但係你仍然覺得自己好似學唔嚟，覺得好難，好多疑惑，好迷茫，係唔係？
我知，我真係知！因爲我以前學德文嘅時候，都同你一樣！
身為過來人，我有個意見畀你先：就係唔好「學」德文 ...... 住！其實，你係要「理解德文」先！
我過去十年接觸咁多學生嘅經驗話畀我知，啱啱想學德文嘅初學者，超過七成嘅人好快就會放棄。
點解？絕對唔係你蠢，亦唔係你無毅力，好重要嘅原因，係你哋根本未明白德文呢種語言背後係點運作。
就等於你要學加數，學1+1等於2，好容易啫，有咩用？
要知道埋2+2等於4嘅話，首先你要明白加法背後嘅運算原理。
我以前學嘅時候無去理解，所以學得好痛苦，呢個都係其中一個好大嘅原因，點解我依家想用理解嘅方式去教香港人德文。
我好想用返我以前嘅經驗，去幫返完全無基礎嘅初學者！
依家正正就有一個機會，可以畀你好有系統咁去理解德文！
如果你有興趣，參加我精心設計嘅「A1網上德文課程：先導部分」，
我就會聯絡你，睇下可以點去幫你克服初學德文嘅難關！
你，有冇以下嘅問題？
❓有興趣學德文，但聽人講學德文好難，唔知點開始好？
❓嘗試過自學，但無論睇 YouTube 片、上網搵資料、定係跟教科書都好，都好似只係一知半解咁？
❓搵到嘅資源，都係用英文或普通話嚟講，覺得唔夠直接？
❓上坊間嘅課程，唔明嘅嘢，導師都只係叫你死記，覺得好氣餒？
❓自學完，好似學到少少，但係唔知做咩練習好，唔知點應用到出嚟？
💡為咗解決你哋嘅難題，我哋設計咗呢個
專為香港人設計，注重德文理解嘅「A1網上德文課程」，
針對完全零基礎嘅同學，深入淺出咁將德文入門嘅課題全部講解你聽，
目的就係要令你真正咁去理解德文，等你有最好嘅基礎，循序漸進咁繼續學落去！
先導課程入面會教啲咩？
我想從零開始學A1德文，呢個網上德文課程，啱唔啱我？
絕對適合，呢個課程就係為零德文基礎嘅香港人而設！
「A1 網上德文課程」率先推出嘅第一個部分屬於「先導部分」，作為一個起動課程，我哋將會為你簡單介紹德文，以及講解一啲最重要、最入門嘅概念同埋文法。你會初步認識到德文係咩一回事，認清自己能唔能夠理解德文，有冇興趣學埋落去。
推出「先導部份」之後，隨後就會正式進入「後續部分：核心課程」，詳情將會喺「先導部份」正式推出後公布！
課程除咗教學影片，仲會有乜嘢學習配套？
每個課題，我都會為你精心設計成個學習路線
Microsoft Teams 教學平台
學德文要有組織，要有系統，咁學習嘅平台都一定要係清晰易用！
可能你做嘢都已經用緊 Teams，我哋就採用咗 Teams 嘅教育版作為課程平台。
一個單元，一個 Channel，課程內容同進度一目了然，等你可以極速上手！
教學影片
用十年教香港人學德文嘅經驗，提煉出最適合香港人嘅講解方法，教學影片仲可以無限次重溫！
我製作嘅教學影片，每一條都係精華所在。我堅信，影片長唔等於好！對於初學者嚟講，學習每一個新課題，都應該要直接吸收精闢獨到嘅見解。我無選擇錄到長篇大論，就係要做到去蕪存菁！
再配合埋投影片輔助，肯定你一定會聽得明！
Live Tutorial 時段
除咗教學影片之外，我哋定期仲會舉辦 Live Tutorial 時段畀同學參加，直接實時同大家進行交流。
喺呢個時段入面，我哋嘅導師會揀選一啲特定嘅課題作講解， 同時同學亦可以就影片內容進行發問。
精華筆記
科學研究都有表明，手寫，文字同紙本筆記，對於好多人嘅學習效率都有好正面嘅幫助。
所以，我幫你整理好所有內容重點，製作成文字筆記，等你上堂時或者溫書時都可以即刻開出嚟、印出嚟睇！
課後測驗
睇完影片，仍然唔肯定自己係咪真係掌握到啲概念？
好簡單，做一次測驗就知！
做完之後，答案會即時Show畀你睇，即刻知道自己吸收咗幾多！
功課練習
「練拳不練功，到老一場空！」
雖然A1階段，暫時唔會專注喺表達能力方面嘅訓練，但落手落腳做功課，應用所學，講出聲，寫出嚟，先係成功掌握德文嘅關鍵！
睇完影片，做完測驗，做埋我畀你嘅功課，嘗試講，嘗試寫，我會聯同其他導師幫你批改，仲會畀返Feedback你，等你可以持續改善同進步！
進階練習
做完練習同功課，都仲覺得唔夠喉？
我哋仲會有進階練習同其他資源畀你進一步鞏固所學！
導師支援
學習德文嘅旅途，你唔會孤單！
做完測驗練習後有嘢唔明？
放心，我哋嘅導師團隊會提供課後支援，隨時為你解答學習疑難！
就算你對德文完全無認識，我保證你上完呢個網上課程之後，
都可以打好 A1 嘅基礎，清晰掌握德文入門。
我係石賈墨（CK）
石賈墨德語補習社嘅德文導師
一個教咗德文十年，熱愛德文教學嘅香港人
你嘅德文教學，有咩咁特別？
1️⃣理解理解理解！
摒棄傳統授課模式，以理解作為教學主軸，重點講解德文背後嘅邏輯同埋細節，唔洗再靠死記硬背都可以學好德文
2️⃣以廣東話作為授課語言！
用香港人嘅母語嚟講解德文博大精深嘅文法同埋概念，絕對會令你更容易吸收同埋理解！
咁呢個課程，又有咩咁特別呢？
1️⃣為香港人度身訂造
以超過十年嘅教學經驗同埋學習經歷，從香港人嘅角度出發，確保你可以由零開始，循序漸進咁喺學習德文嘅道路上前行
2️⃣課堂進度由你自主決定
教學影片可以隨時隨地無限重溫，亦可按個人需要調整學習節奏同埋速度
3️⃣豐富課程配套
有效提高學習互動性，配合教學影片相輔相成，全方位咁幫你學好德文
常見問題