關於我們

石賈墨德語補習社

「石賈墨德語補習社」係由「石賈墨」喺 2017 年正式創立,旨在為有意學習德文或者移居德國嘅香港人提供更加啱身嘅選擇。 

 

2019 年推出「語法課程衆籌計劃」,得到超過 180 位德語學習者支持,成功籌得目標款項 244% 資金,用嚟製作多個專為香港人而設,用廣東話嚟教授嘅德語課程。 

 

2020 年正式成立 GmbH 公司(即係德國嘅有限公司),開始聘請香港人成爲團隊成員。 

 

我哋嘅課程同埋服務針對因為各種原因而想學德文嘅香港人而設計,

無論你係為咗興趣、升學、移民,工作都好,我哋多元化嘅課程種類絕對可以切合你嘅需要。 


核心價值

石賈墨德語補習社願景

我哋嘅願景

爲香港人揭開德國真實而可愛嘅一面,

令德國能夠躋身「最受香港人歡迎嘅國家」之列。 

持續發展「在德黃色經濟圈」,等香港獨有嘅文化可以喺海外得以保存同埋傳承落去,免受赤化影響。 

石賈墨德語補習社使命

我哋嘅使命

透過優質嘅德文教學同埋相關服務,

幫香港人更加容易咁去理解德文。   

從而打破語言界限,為香港人打開「通往德國之門」,

並且成為雙方嘅橋樑,互相宣揚各自嘅文化。 


石賈墨德語補習社教學

我哋嘅教學

以「理解」嚟做教學重心,摒棄坊間死板嘅路線,

務求令學生更容易理解德文繁複嘅邏輯同埋背後嘅意義 

作為過來人,我哋深明香港人學習德文嘅困難,亦堅信「唔明白唔理解」就一定會覺得難學。正正因為咁,所以我哋堅持以香港人角度出發,幫香港人理解德文! 

石賈墨德語補習社香港

我哋嘅香港

就算我哋身處唔同嘅地方,我哋一樣咁熱愛香港,

亦都為香港人呢個身份而自豪。   

眼見香港局勢每況愈下,香港人更加要守望相助,

拒絕妥協,就每一個地方同埋範疇去深耕細作。

我哋深信,「念念不忘,必有迴響」!