【耶穌受難節】寫緊呢篇文嘅時候，仲係四月二日午夜之前，所以都仲係喺Karfreitag。

Karfreitag，直接翻譯叫「受難星期五」，中文翻譯做「耶穌受難節」似乎最啱聽。

淨係聽個名，都知道關耶教事啦…呢日係用嚟紀念耶穌被釘十字架的，而德國係有超過一半嘅人口屬於天主教徒或者係新教徒。所以呢一日，可以話係德國人成年入面最需要「受戒」嘅一日，雖然係假期，但係唔準你慶祝。

我要慶祝，你吹咩！

咁你小心啲，一嚟啲教徒可能會仇視你，二嚟你開心到跳舞的話，係會畀人拉的！

難以置信：呢一日，係法例規定，連跳舞都會犯法的！德國法例真係寫到明特定日子有Tanzverbot「限舞令」，違者可被罰款，喺拜仁州甚至可以罰成一萬歐！跳隻舞，分分鐘跌幾皮，都咪話唔癲！

呢個禁令，make唔make sense，我答你唔到，德國好多人都有討論，Tagesschau都有討論過。

呢啲紀念齋戒嘅日子，當然唔可以過份享受，味覺上都要保持清淡。所以，另外一個大家喺德國應該守嘅傳統係，呢一日唔好買肉，唔好食肉。

…所以德國人會選擇食魚。

係，「大魚」無問題，唔「大肉」就可以。唔好問我點解。

魚肉係唔係肉？呢個問題我唔知點答你好。

爲咗緊貼傳統，我都真係買咗條德國人最愛嘅鱒魚Forelle返嚟食。本來我有魚牌，可以自己釣，但呢個活動真係太過奢侈（時間上）。

正常就應該成條食的，但係我今次想起曬啲肉出嚟，容易啲分俾仔仔食。Forelle係多骨的，但係如果識起肉，其實都唔會太多骨黐喺啲肉度。想知點起，大家可以睇睇片。

有關「德國港人受威嚇」報導，香港媒體嚴重炒車

█  南德報和路透社的報導

日前，路透社報導，中國有代表在德國國內的示威現場拍攝香港示威者照片，試圖用作恐嚇，內政部回應自民黨議員Gyde Jensen的查詢之後，終於承認此問題確實存在。

路透社報導：

China has tried to intimidate Hong Kong activists in Germany, Berlin says | Reuters

消息其實出自《南德意志報》（高智力導演說我「爲何一下子」就找到的著名德國報章）名爲「中國對流亡港人施壓」的報導：

China setzt Exil-Hongkonger in Deutschland unter Druck - Politik - SZ.de (sueddeutsche.de)

█ 德國港人受威嚇，只是舊聞

首先，我不解的是，爲什麼這些報導仍然對於好多人來講十分驚訝。以前媒體已經有大量報導，19年漢堡等地的示威，明有小粉紅踩場，暗有偷拍大頭的行爲，都是衝著香港人而來。在這邊的香港人，只要有過少少公開的參與，基本上都會成爲拍攝的目標。

我之前到法蘭克福，慕尼黑等地，總有中國人拿著手機，在不遠不近，人群邊緣的距離拍照。這些嘍囉很多是留學生，沒有報酬也好，都會特工上身，傳送照片到中國駐德的領事館，這是人所共知的事實，現在得到內政部確認，叫做有個認證而已。我在德國所聽到的消息是，德國政府一向都有監察中國人在德國的活動，但只是踩場，影大頭，還不構成危害人身安全的行爲。

總結：如果要睇建議，直接跳到文末即可。

二月尾，我已經講咗，四月德國會有社區爆發。我當時仍然話我希望炒車。

係，我真係炒咗車，不過係炒到爬頭：德國今日最新感染數字係七千幾人（實際感染數字係幾多，真係無人知），終於宣佈封關鎖國，已經唔係我講嘅社區爆發，而係「災難式爆發」（拜仁州已經宣佈地區進入災難狀態）。

不過一切都已經太遲，我相信德國會變成下一個意大利。西班牙其實已經早德國一步，踏入醫療系統爆炸嘅階段。嚟緊兩個禮拜，十分之關鍵。

我唔想再討論有關戴唔戴口罩嘅問題，德國政府嘅責任問題，同埋德國病毒學專家講嘅嘢啱唔啱。

三個禮拜之前，我已經有一種「抑鬱」嘅感覺（我老婆係心理學家，話呢個字唔可以亂用，咁可能係「沉重」啦咁）。感到沉重嘅原因，唔係因爲同德國人爭抝得多。

我經常會講我自己睇法，但從來都唔會同德國人就疫情爭抝，爭抝係無意思，民風唔會由你一個人開。就算啲德國記者搵我問冠狀病毒嘅睇法，都係多啲想知道我有無被歧視呢啲爽口嘢，當我表達出我對疫情嘅擔憂，佢地就唔再有興趣知道我嘅諗法。但係我都唔會話失望。

望一望個日曆，今年夏天，我喺德國生活嘅日子，就有足足十年。從對德國毫無認識，重新經歷牙牙學語，到喺呢度有自己嘅事業，有自己嘅家庭，生埋仔，起埋屋。其實德國，對於我呢個香港人嚟講，係一個確確切切嘅命運共同體。

我成日同人講，我自己係德國教邪教教主，對於呢個民族，呢個國家，我係有一種感情。如果作爲一個香港人，你要好肉麻咁問我愛唔愛香港，我會講我愛，我對香港有一種家鄉先能夠勾起嘅關切同懷念。而你問我愛唔愛德國，我都會講話愛，因爲過去十年，我喺德國呢片土地上，塑造咗我人生新嘅一頁，我喺德國已經落地生根。

當你尋日先睇完新聞，話意大利醫生只能選擇無慢性疾病，又年輕力壯，有康復機會嘅年青人嚟救治，其他人只能夠等死，同一時間今日你又見到鄰居三五個家庭嘅小朋友同大人仍然趁住天氣回暖嘅一日，全部聚埋一齊開Party，你唔會覺得嬲，你唔會話「點解你唔戴口罩」，「一早話咗你啦」，你唔會笑啲之前話「肺炎咪即係流感」依家收曬聲嘅人。

你只會覺得抑鬱。

德國嚟緊將會經歷一場公共衛生災難，好多人會死，經濟會大倒退，政治上嘅動盪亦都會緊接而來。經歷過沙士嘅香港人，可能會憤怒，會無助，屋企甚至會有爭執，但係我真係無呢啲感情。大家唔係風水佬，俾你預視到德國醫療系統將會崩潰，你都無利可圖，無獎攞嘅嘢，唔好做。

我以前消防局嘅同袍依家要輪多更，小朋友搵唔到人照顧。

我老婆有個朋友，下個禮拜生仔——不過老公唔俾入產房，依家醫院全面封鎖，唔俾「探訪者」進入，老豆都無面俾。

我外母免疫系統好差，中肺炎基本上就代表要預咗入棺材，依家自己一個人住，出街都要提心吊膽。

我做護士嘅朋友，取消曬所有假期，唔俾仔女見爺爺嬤嬤，怕自己惹到小朋友再惹到俾自己父母，間接推自己親人去死亡邊緣。

我身邊有人係單身媽媽，唔知道呢段時間點安排個仔見老豆，亦都好怕自己病咗，照顧唔到仔仔。嚟緊呢幾個月，要兩個人相依爲命。

我呢？月底本來安排好曬啲嘢，打算喺屋企開一班「德文極密集課程」，作爲建立「黃色德文學校」嘅第一步。行程，課堂內容，甚至連餐飲同七人車都安排好曬，依家都被逼要取消。投資咗嘅金錢時間心血泡湯，損失都有限，見到自己嘅計劃胎死腹中，德國「康復」遙遙無期，真係一個更加沉重嘅打擊。

不過相比起其他人，我地屋企情況仍然係好好。

你話我怕唔怕中招？我都怕…嚟緊呢段時間，我已經萬萬吩咐屋企人要斷絕同外間嘅所有接觸，我會幫佢地買餸同處理其他要外出嘅事務。作爲呢個大家庭唯一一個男人，如果我真係病咗，咁點？

要佢地出去，我更加唔放心。經歷過沙士，我諗香港人都有一對「病毒監測眼」，所以點戴口罩，點消毒雙手，點避免接觸有可能有病毒嘅表面，我地都好清楚可以點做。我見過好多德國人，戴住口罩，不過呢頭開咗個門，摸完個門柄，之後就摸自己塊面，咁老實講，真係不如唔好戴口罩，浪費資源。

幾個禮拜前，我姨仔仲笑我，學其他人買咁多乾糧儲備，世界末日咩！「都係唔好笑你住，遲啲分分鐘要你分返啲俾我。」

咁講其實咪又係笑9我…

上兩個禮拜，我去買餸，我同我老婆講，我買多一次儲備。佢話我地已經有，點解仲要買多次。我話，買多啲無死嘅。

其實我係買定，等有需要嘅時候可以俾我姨仔…

係，德國人唔鍾意人戴口罩，可恨。

係，德國人無憂患意識，早兩日仲出去開Party，白癡。

係，德國政府慢人幾拍，無承擔，抵鬧。

但係我唔會話啲人抵死。我唔會話「睇下邊個可以笑到最後」。

因爲死嘅人，可以係你身邊嘅人。每次我諗到呢度，我都嬲唔出。

因爲德國人防疫意識低下，大家就要「八千萬，thx」？有呢啲心態嘅人，都幾肯定係德國嘅過客。

如果覺得德國唔只係你人生嘅一個中途站的話，留低，好好準備度過呢一場風暴。

1. 唔好怕德國人眼光！如果外出係會有同人交談嘅可能性，戴上口罩。我呢幾日戴，啲德國人仍然會望，不過已經無誇張嘅表情。我好相信好多德國人已經接受咗口罩呢一個防護裝備。如果你無的話，可以喺Facebook德國人羣組入面問，少量緊急自用，好多人都可以讓出幾個出嚟。就算無口罩都好，用布口罩，圍巾之類嘅衣物擋一擋，我認爲用簡單嘅科學邏輯，阻止到飛沫到達面部，點都有一定效果（前提係要用完之後清洗）。

2. 仍然未買儲備的話，依家好買，因爲你依家應該已經好難買得多，而遲啲情況只會更差。我估計有一段時間，係會持續供應緊張。如果你唔夠儲備，就要成日出去買，買唔到就要出多幾次撞正佢返貨嗰下先買到，風險會增加。至於要買咩，好多網站都有建議。主要都係十日乾糧（麪，米，麪粉我已經見唔到），唔同類型嘅罐頭食物，少少油鹽糖就夠。水的話，理論上都要，實際上我自己無好多儲備，我假設今次疫情唔會影響到水嘅供應。

3. 除咗避免外出之外，亦都要避免所有有可能危害健康嘅活動，唔好話無嘢做，就去油下窗臺出面嘅油，或者見無咩人出門口，就出去遊車河飛車，自己去野外做運動揸下Mountain bike。我認識做專科手術醫生嘅鄰居，佢講話醫院估計兩三個禮拜之後，德國醫療系統會受到全面衝擊，依家所有非緊急嘅手術已經取消（就算連部分腫瘤切除手術都唔做住），全部病房開始轉成專醫呼吸性疾病嘅病牀，就算佢係做手術嘅醫生都好，都已經要接受操作呼吸機嘅訓練。德國嘅醫生護士其實都有曬心理準備，不過疫情一爆發，就算成個醫療系統超負荷運作，都仍然有人會得唔到適當嘅治理。就算你無中肺炎，但係如果醫院無曬病床，全部醫生都去曬ICU，或者醫護病曬，你跌斷腳，炒車都可能分分鐘無人幫你醫。我都求神拜佛，希望一家人，尤其係仔仔呢幾個月身體健健康康。

4. 唔係因爲自己經歷過沙士，就高人一等，唔好咁諗。如果身邊嘅德國人開始驚慌，唔好再落井下石，沙士嘅經歷，可能會俾到我地創傷過後嘅自信，咁你就更加需要伸出援手，等身邊嘅人體驗到香港人嘅抗疫質素。我知道好多香港人一肉緊，就好容易激動。用另一角度睇，呢個係一個「香港人獅子山下體現香港精神」嘅契機，係唔係（笑）？…

最後，祝所有喺德國嘅香港人，健健康康，平安渡過呢一場世紀疫情。Bleibt gesund!

越無用，就越要做

命運就係咁。

好日我都唔病一次，開始眾籌之前就嚟場大感冒，到好返無耐嘅時候，香港就要發生啲咁嘅事件。

因為反送中呢單嘢，我放低咗好多本來做緊嘅嘢。我好想可以答曬所有聯絡我嘅人所問嘅問題，但係我想答咗呢幾條先。

你唔怕得罪人咩？你咁做有咩用啫？你好得閒咩？

你要知道，呢個世界有好多悲觀嘅人。我覺得悲觀係可以的，不過一個人嘅言行，唔應該俾自己悲觀嘅睇法影響。

你做嘅嘢，有用咩？我以前成日都會問自己呢條問題。好耐以前我會話無用，所以唔做。到年紀大咗少少之後，我同自己講，一定有用嘅，所以做，不過做嘅時候，會有一種唔舒服嘅感覺。

唔舒服係因為自己心底裡想做，所以覺得要逼自己相信做嘅嘢有用。你咁樣呃自己，做嘅時候，你心裡面有矛盾。

到今日，我好清楚答案係無用，但係都係要做。

係，越無用，就越要做。

去法蘭克福

我以前有個學生見到SCMP已經有出埋片，認得出我。睇埋留言就知道，我喺呢度講唔講自己嘅立場又好，出唔出我個樣又好，事實上已經無咩分別。咁我不如俾講埋我想講嘅故仔，希望大家聽過之後，可以明白點解我話越無用越要做。

講緊嘅，其實係香港人喺法蘭克福搞嘅反送中集會。去唔去法蘭克福參加集會呢個決定，我考慮咗好耐，本來我唔打算去嘅，但係我最後都選擇咗去。

仲要九號同十六號兩個禮拜日都去曬。

當日我老婆其實一早有約，參加一個朋友嘅婚禮，本來我要幫手湊仔，等佢可以輕鬆出席。我本身好唔鐘意自己做啲個人決定，會影響身邊嘅人，最重要都係怕影響到屋企人。點解我之前決定退出消防隊，呢個都係一個好重要嘅原因，不過呢個係後話，有機會先再講。

星期一至五，我老婆已經要日日湊仔，星期六日，我盡量會俾我老婆休息一下。我問我老婆，星期日我去法蘭克福得唔得呀？佢話：如果你覺得你可以為你家鄉做啲嘢，咪做囉。我知道佢要自己帶住個仔出街出咁耐，肯定會好辛苦，但係佢都先叫我上去…需知奧芬堡距離法蘭克福都有一段距離，揸車上歐韜班的話，都要兩個半鐘。來來回回，都真係成日無咗。

不過，我上到去先知道，原來好多人都遠道從其他城市過嚟，搭火車都有人搭成四五個鐘，我揸嘅兩個半鐘車程其實真係不是什麼。更有人帶住小朋友嚟參加集會，我諗到我自己以為拋妻棄子，好大犧牲，真係諗得自己太偉大。

到咗嘅時候，啱啱好係大家準備好曬紙牌嘅時間。好自然就要叫口號。

問題嚟啦，喺我地幾十個人當中，似乎無咩人有信心可以用曬三種語言嚟叫口號。大家你眼望我眼，搵緊一個可以帶領大家叫口號嘅人。

我知道邊個係搞手，咁就好自然望向負責入紙嗰位朋友。我發現佢都望住我，你眼望我眼。

我以為大家都係望住佢啦…我見到原來有份參與嗰四五十個人，好多都望住我。

組織集會嘅人，根本就唔係我，只係可能因為我係『谷主』，大家又知道我識講德文，所以自動波向我投向『你嚟啦』嘅目光。

唔怕老實同大家講，我當時心入面係覺得有少少不知所措，心諗我上嚟都係想幫幫手，唔想話企喺前面，更加無諗過要領叫口號。

我嚟咗德國差不多十年，自然無參加過任何集會，而未嚟之前，我年紀尚輕，真係對政治無咩理解。所以你可以話我嘅政治觀念係喺德國建構出嚟嘅。呢個建構嘅過程，一路都好舒服，無咩負擔，喺德國，我就係『外國勢力』，得閒可以玩下Walomat，不負責任地同啲德國人吹水，可以隨便恥笑德國左膠橫行，又可以插下阿凡達有幾出位。

喂，第一次參加，你地就望住我？依家我企咗喺度，諗緊我點反應好。電光火石之間，我諗咗幾樣嘢，其中一樣嘢，引申去第二個問題：你唔怕咩？

怕？

本來我覺得，我係一個喺德國嘅香港人，小薯仔一名，有咩要怕？今日睇新聞，留學生返香港，都有啲臀部痕癢嘅警察叔叔截你，你就知道『怕』係有原因嘅。

兩次集會，都有人話想要戴口罩，正如我之前同蘋果做訪問嘅時候，我都有講過，我覺得有人受訪唔想出樣，集會要戴口罩嘅事實，好恐怖。我絕對唔係話想戴口罩嘅人係淆底獸，連出個樣都怕呢樣怕嗰樣。唔係，如果一個人恐懼政權的話，原因一定無可能係個人細膽，而係呢一個政權已經太可怕。

正正係呢種恐懼，每一個人更加要有嗰句講嗰句。

唔怕咩你？怕呀，我其實都怕搭過山車，但係每一次我有機會搭，我都同自己講，你今次淆底，你下一次一定會更淆，淆多幾次，你最後連搭碰碰車都淆。所以有陣時就算真係唔想搭，都要逼自己搭。

你唔一開始就堅持講真話——你可能覺得我誇張——但係終有一日你真係會講唔出。我呢啲已經離開咗香港嘅人，喺德國已經有第二個家，幸運地，健健康康，有一份穩定工作，有一個安樂窩，如果連我呢啲咁幸運可以喺德國生活無憂嘅人，都唔敢做多一步，講多一句，咁你覺得你自己可以點樣評價喺香港企出嚟嘅香港人？

諗到呢度，我就淨係講咗一句：『叫德文先呀係咪呀？』

到六月十二日，我以前教過嘅一個學生組織多一次集會，同一個地點，都係法蘭克福，不過今次有超過一百五十個人參加。我睇到咁多人嗰時，係真係呆咗。

除咗佢同一兩個德文比較好嘅朋友之外，我就延續咗上個星期嘅角色，繼續負責帶頭叫口號，讀埋份德文聲明。

我自己性格係咁，做親咩嘢，都唔鐘意混入太多情感落去。但係一群人走埋一齊，有一個共同嘅背景，有一個共同目標，就希望大家都有凝聚力。

所以我叫嘅時候，覺得好難控制自己點樣叫法。係，喺一個陌生嘅國度，德國人走過，任你叫得幾咁激情，聽到你用廣東話叫『林鄭下台』，有咩用？

所以，又係講有無用。

無用，對你嚟講可能就係最有用

我覺得，呢啲口號，係要叫俾自己聽，叫俾身邊嘅香港人聽。

我翻譯咗啲海報，有幾多德國人真係睇咗？我見到有十個八個，望咗一眼。九月六日之前我捱眼訓翻譯出嚟嘅聲明，好多集會都有人讀，但係有幾多個德國人真係有聽？我唔知。我翻譯嚟俾德國人睇嘅片，又真係有幾多德國人睇過呢，我都係唔知。

無論人數幾多，做到咩效果出嚟（柏林嘅香港人其實真係令到德國好多政黨同政府機關回應返呢件事，係有效果的），你對住香港依家呢個政府，真係無用。有效果，無結果。

你諗下，香港有二百萬人上街，政府最後都係保持五無。我身邊有德國朋友講，二百萬人？一人企出嚟屙一篤尿，政總都會沒頂。可惜，我自己都唔係屬於勇武派嘅人，我好欣賞肯堅持企出嚟嘅人，但係無奈大部分香港人都係順民，政府一定係食滑你，咁到底點樣可以搵到香港嘅出路，我真係悲觀，睇唔透。

不過。

一個人嘅記憶，取向，行為，係塑造一個人最重要嘅元素。我要記得我呢一個時刻嘅立場，我要記得我嘅香港人身份，我要記得我捱眼訓翻譯過，我叫到聲沙咁嗌過，我要做曬所有我可以做嘅嘢，我先係延續緊我自己嘅身份。

唔咁做的話，你會灰心，你會放棄，你會失去自我，你會『被長大』。你會慢慢覺得做廢老的話，其實都唔差。

所以，就算幾無用都好，唔代表我就選擇唔做。

呢個就係點解我上面講越無用，越要做嘅原因。

唔怕？

有一兩個朋友，見到我翻譯嘅片，好清楚有立場。佢地話：你唔怕無生意咩。

我明佢講咩。但係我唔怕。

我成日都話自己好彩，係一個德國工程師，喺呢邊都叫搵到食，淨返嗰啲時間用嚟做咩，好明顯就係自己真係想做，唔係為咗錢。你諗下，王迪詩想喺信報開個天窗都唔得。一個字六毫子，寫足五百個字，得嗰三舊水。大佬，香港依家食餐好少少嘅飯，都唔止呢個價錢啦。

不過我又好好彩，我教親嘅學生，個個立場都同我好相似。如果你因為我反對修例嘅立場而唔想搵我學德文，呢個係你嘅選擇，我控制唔到。

我咁睇，讀德文唔係好似你讀中英數咁，學校逼你去讀，你無得揀，你重要好俾心機去讀，因為呢個係現實嘅需求；讀德文，唔多唔少係一個好個人，好高層次嘅選擇。就算大把話嚟德國讀書嘅人，到最後都係唔讀德文。

所以嚟搵得我嘅人，其實都係另外抽時間，畀學費出嚟學，都真係本身好有心學。咁你讀一個國家嘅語言，一定係要對一個國家，有起碼嘅認識或者係認同。而通常學生想跟我讀德文之前，我都一定會了解佢地想讀德文嘅原因同背景。

『覺得德國係一個好有歷史背景嘅國家』

呢個講法，我聽過唔少。

咁如果你讀得德文，都仍然認為『人權』，『自由』，『平等』呢啲德國人重視到要寫入基本法嘅嘢，對於你嚟講都無咩關係的話，咁你其實就係名副其實嘅讀屎片。

咁如果你硬要讀屎片的話，你支唔支持我，我都無咩所謂。

蠢？

講起支持，我老婆無好似我咁癡住香港啲新聞，所以頭腦比較清晰，問我喂依家你個眾籌搞成點？

唉，本來一開始個勢真係好好，唔夠十日八日已經衝上目標六成。不過原來網絡世界真係咁殘酷，無賣廣告，眾籌條Bar就真係唔會點郁…

我本來打算詳細咁解答返之前好多人有問過有關課程嘅問題，仲想投稿去DW，仲想整一個學生訪問，不過依家唔會做得起，其實六月嗰陣時已經鋪排好曬，不過一開頭都已經病咗，搞到連個推出日期都守唔住，依家得返九日，距離目標唔遠，仲有兩成。不過我想幫人翻譯嘅嘢，都仍然未翻譯曬，剩返落嚟嘅廣告，真係唔知做唔做好。

尤其係眾籌呢家嘢，好講一開始道氣，你最後嗰幾日先嚟講你嘅課程有幾好，尤其係我呢啲好講Commitment嘅眾籌，人地連消化嘅時間都無的話，點會肯支持。有好多人WhatsApp問我，到底課程啱唔啱佢地用。有好多人期望可以淨係上我嘅課程而學好德文，咁我都好老實咁講，我做唔到呢個效果，都唔希望人地俾錢支持。眾籌係一個工具，如果因為想眾籌達標，而扭曲咗自己嘅初心，咁籌得成又有何用。

呢個計劃，其實係將我嘅一個想法付諸實行嘅第一步，眾籌計劃如果達唔到標的話，其實就係代表我嘅想法未必可以聚集到我預期中嘅能量。

假如失敗，原因只能一個，就係我做得唔夠好。

所以第三條問題，你反問都好，我都答你：你好得閒咩？——唔得閒，好唔得閒。你質疑我做啲『無用嘅嘢』，犧牲咗自己本身個時間表，蠢。

值唔值得，我上面答咗你。我又做一個比較呀：比起喺香港罷工罷市嘅人，我就算眾籌失敗，錢銀上其實都唔會有損失。香港做生意，做唔掂的話，係搵食都搵唔到，人地壓力大過我多多聲。我又要講自己係幸福留德華，真係輸極都唔會衰得去邊。

我咁講，大家可能覺得我唔在意計劃嘅成敗。我唔想大家誤會，我自己擺咗幾多心機時間，有幾真心希望自己嘅課程可以推到出嚟，對我有少少了解嘅學生同朋友，相信都好清楚。

尤其係已經支持咗，好期待個課程嘅朋友，臨門一腳先唔到入波的話，我對你地唔住。

贏五比零？輸五比六？

所以希望之前同我話等到最後先出手嘅朋友，呢幾日可以真係入FringeBacker支持我，如果唔係到最後一刻真係唔記得咗，好容易會甩轆。

All or nothing嘅眾籌就係咁。一開始我覺得自己贏緊5:0，最後5:6，先入你五粒，都可以輸㗎。

但係唔代表我之前做嘅一切會付諸東流，唔可以咁睇嘅。

都係嗰句啦，贏輸都好，應該做的話，都要做。

- 寫於從哥廷根出發而又例牌延誤的德鐵火車上

【耶穌受難節】寫緊呢篇文嘅時候，仲係四月二日午夜之前，所以都仲係喺Karfreitag。

Karfreitag，直接翻譯叫「受難星期五」，中文翻譯做「耶穌受難節」似乎最啱聽。

淨係聽個名，都知道關耶教事啦…呢日係用嚟紀念耶穌被釘十字架的，而德國係有超過一半嘅人口屬於天主教徒或者係新教徒。所以呢一日，可以話係德國人成年入面最需要「受戒」嘅一日，雖然係假期，但係唔準你慶祝。

我要慶祝，你吹咩！

咁你小心啲，一嚟啲教徒可能會仇視你，二嚟你開心到跳舞的話，係會畀人拉的！

難以置信：呢一日，係法例規定，連跳舞都會犯法的！德國法例真係寫到明特定日子有Tanzverbot「限舞令」，違者可被罰款，喺拜仁州甚至可以罰成一萬歐！跳隻舞，分分鐘跌幾皮，都咪話唔癲！

呢個禁令，make唔make sense，我答你唔到，德國好多人都有討論，Tagesschau都有討論過。

呢啲紀念齋戒嘅日子，當然唔可以過份享受，味覺上都要保持清淡。所以，另外一個大家喺德國應該守嘅傳統係，呢一日唔好買肉，唔好食肉。

…所以德國人會選擇食魚。

係，「大魚」無問題，唔「大肉」就可以。唔好問我點解。

魚肉係唔係肉？呢個問題我唔知點答你好。

爲咗緊貼傳統，我都真係買咗條德國人最愛嘅鱒魚Forelle返嚟食。本來我有魚牌，可以自己釣，但呢個活動真係太過奢侈（時間上）。

正常就應該成條食的，但係我今次想起曬啲肉出嚟，容易啲分俾仔仔食。Forelle係多骨的，但係如果識起肉，其實都唔會太多骨黐喺啲肉度。想知點起，大家可以睇睇片。

PS:因爲係第一次用燒烤機嚟煮，所以條魚上面有坑紋，而且乾咗少少，啲肉好容易碎，起肉唔係起得太靚，請多多見諒。

有關「德國港人受威嚇」報導，香港媒體嚴重炒車

█  南德報和路透社的報導

日前，路透社報導，中國有代表在德國國內的示威現場拍攝香港示威者照片，試圖用作恐嚇，內政部回應自民黨議員Gyde Jensen的查詢之後，終於承認此問題確實存在。

路透社報導：

China has tried to intimidate Hong Kong activists in Germany, Berlin says | Reuters

消息其實出自《南德意志報》（高智力導演說我「爲何一下子」就找到的著名德國報章）名爲「中國對流亡港人施壓」的報導：

China setzt Exil-Hongkonger in Deutschland unter Druck - Politik - SZ.de (sueddeutsche.de)

█ 德國港人受威嚇，只是舊聞

首先，我不解的是，爲什麼這些報導仍然對於好多人來講十分驚訝。以前媒體已經有大量報導，19年漢堡等地的示威，明有小粉紅踩場，暗有偷拍大頭的行爲，都是衝著香港人而來。在這邊的香港人，只要有過少少公開的參與，基本上都會成爲拍攝的目標。

我之前到法蘭克福，慕尼黑等地，總有中國人拿著手機，在不遠不近，人群邊緣的距離拍照。這些嘍囉很多是留學生，沒有報酬也好，都會特工上身，傳送照片到中國駐德的領事館，這是人所共知的事實，現在得到內政部確認，叫做有個認證而已。我在德國所聽到的消息是，德國政府一向都有監察中國人在德國的活動，但只是踩場，影大頭，還不構成危害人身安全的行爲。

█ 何謂Kleine Anfrage

Jensen向德國政府提出的查詢，德文叫Kleine Anfrage，中文可以翻譯爲「簡單詢問」（字面意思：小查詢），乃係歐洲，包括德國一個獨特的政治交流格式。三權分立的政治體系，行政和立法都應該獨立運作，但行政機關如何執行行政決定，動用行政機關的資源所獲得的資訊，民選代表也有權利進行監察，這是基本法賦予德國國會的溝通工具。代議士不可能只有審批議案的能力，尤其是反對派的議員，不在執政聯盟之內，就更加需要使用法律賦予他們的權利，來監察政府運作。

如是看，德國內政部的信函，其實是回應Gyde Jensen的「簡單詢問」，不是「去信國會」。我不知道，爲什麼香港媒體就不能找一個對歐洲和德國政治略有認識的人來看一看消息，理解這個溝通框架。

█ 在德港人數字和身份

首先，根據從外交部資料得出的非正式統計數字，在德港人人數應爲約三千人。曾經在德國辦理過簽證或居留文件的香港朋友也知道，香港的定位，對於外國人事務辦公處(Ausländerbehörde, 後稱「外事辦」)的職員來講，都是極度混亂的。

他們系統入面的國家編碼(Staatsangehörigkeitsschlüssel，或稱HKL-Schlüssel)，其實有Hongkong這個選項，編號爲411，縮寫爲HKG，所有在德國有居留權的朋友，在身份證上，都應該要看到這個資料。由於特區護照上面，大剌剌地寫著中華人民共和國，對香港毫無概念的德國人（或是懶，怕麻煩），就放479 CHN到香港人的居留文件上。用BNO登記，更有因爲職員不知道BNO不是BN，放上168或185等本來屬於英國或英國海外屬地的號碼上去。我自己在德國生活了十年，身份證續證，CHN，HKG都見過，最後一次我申請的時候，指明一定要411，他們才會留意兩者的分別。在此我都希望香港人留意以下，幫自己正名。

所有有居留權(Aufenthaltstitel)的香港人，外事辦都有記錄，但由於國家編碼的偏差，造成統計嚴重出錯，由此可知，如果德國外交部統計正確，散佈德國的外事辦有可能把超過二千多個香港的身份搞亂，內政部直接引用這個數字來回覆Jensen，其實算是第一個半炒車的人。光是我所認識和知道居德的港人，都已經有幾百個，七百二十人這個數字，絕對不可靠。

不過這個問題，內政部的回覆，有作出解釋，可惜媒體不清楚這個細節，導致完全炒車。

█ 德國的聯邦和地方分野

這種溝通上的失誤，很多時候都是德國聯邦政府和州政府（Bundes- und Landesregierung）行政切割的後果。教育，治安，交通，外國人事務等，都是州政府說了算（以前不同州份的警察，制服的顏色是不同的，我來德國的時候，拜仁警察的制服還是綠色的）。就是因爲武漢肺炎的應對措施，每個州的州長都要經常一起開會，儘量令防疫措施同步推行（但實際上還是有分別，早陣子有人到巴符的地方法院控告政府晚上的禁足令過份嚴格，法院判決成功推翻晚上禁足令…）德國行政和政治上的改變，有時候慢得驚人，其中一個原因，也是這種聯邦-州的協調極度費時。柏林的決定，到底去到巴符州，拜仁州，要不要執行，如何執行，都有很多空間。有時候大家看見一些德國的政策，要留意到底屬於哪一個範疇，是否屬於聯邦法例（例如巴符州是據我所知，暫時唯一外國人讀公立大學要收學費的州份），否則會有錯誤的判斷。

█ 香港媒體報導錯誤

以下是兩個完全錯誤的報導：

►香港電台報導標題：德國內政部據報去信國會　指中國政府試圖威嚇居德港人

標題錯誤，如我上面提及，德國內政部是根據延森的「簡單詢問」回覆，不是「去信國會」

►東方日報報導標題：德國內政部披露　約720名流亡港人獲居留許可

標題完全錯誤，如我上面提及，720名港人是通過411地區編號所計算的德國人口，跟本就不是「流亡港人」，難道東方日報認爲國安法威力無窮，所有有德國居留權的港人都「被流亡」？

█ 感想

內政部的回應，其實沒有想像中那麼強勁，很多Kleine Anfrage入面的問題，內政部都沒有正面回答，只是抽出2019香港人被拍照的舊聞（到時大量媒體都有所報導），只是加入「估計」(mutmaßlich)用作「恐嚇」(Einschüchterung)的講法。而有關救生艇計劃的查詢，在聽證會也有提及，我相信會有措施陸續推出，但暫時都只是行政指令要給予港人酌情處理(Ermessensausübung)，還沒有實質行動…

香港媒體如果要如實反映德國的情況，報導之前就一定要做功課。

總結：如果要睇建議，直接跳到文末即可。

二月尾，我已經講咗，四月德國會有社區爆發。我當時仍然話我希望炒車。

係，我真係炒咗車，不過係炒到爬頭：德國今日最新感染數字係七千幾人（實際感染數字係幾多，真係無人知），終於宣佈封關鎖國，已經唔係我講嘅社區爆發，而係「災難式爆發」（拜仁州已經宣佈地區進入災難狀態）。

不過一切都已經太遲，我相信德國會變成下一個意大利。西班牙其實已經早德國一步，踏入醫療系統爆炸嘅階段。嚟緊兩個禮拜，十分之關鍵。

我唔想再討論有關戴唔戴口罩嘅問題，德國政府嘅責任問題，同埋德國病毒學專家講嘅嘢啱唔啱。

三個禮拜之前，我已經有一種「抑鬱」嘅感覺（我老婆係心理學家，話呢個字唔可以亂用，咁可能係「沉重」啦咁）。感到沉重嘅原因，唔係因爲同德國人爭抝得多。

我經常會講我自己睇法，但從來都唔會同德國人就疫情爭抝，爭抝係無意思，民風唔會由你一個人開。就算啲德國記者搵我問冠狀病毒嘅睇法，都係多啲想知道我有無被歧視呢啲爽口嘢，當我表達出我對疫情嘅擔憂，佢地就唔再有興趣知道我嘅諗法。但係我都唔會話失望。

望一望個日曆，今年夏天，我喺德國生活嘅日子，就有足足十年。從對德國毫無認識，重新經歷牙牙學語，到喺呢度有自己嘅事業，有自己嘅家庭，生埋仔，起埋屋。其實德國，對於我呢個香港人嚟講，係一個確確切切嘅命運共同體。

我成日同人講，我自己係德國教邪教教主，對於呢個民族，呢個國家，我係有一種感情。如果作爲一個香港人，你要好肉麻咁問我愛唔愛香港，我會講我愛，我對香港有一種家鄉先能夠勾起嘅關切同懷念。而你問我愛唔愛德國，我都會講話愛，因爲過去十年，我喺德國呢片土地上，塑造咗我人生新嘅一頁，我喺德國已經落地生根。

當你尋日先睇完新聞，話意大利醫生只能選擇無慢性疾病，又年輕力壯，有康復機會嘅年青人嚟救治，其他人只能夠等死，同一時間今日你又見到鄰居三五個家庭嘅小朋友同大人仍然趁住天氣回暖嘅一日，全部聚埋一齊開Party，你唔會覺得嬲，你唔會話「點解你唔戴口罩」，「一早話咗你啦」，你唔會笑啲之前話「肺炎咪即係流感」依家收曬聲嘅人。

你只會覺得抑鬱。

德國嚟緊將會經歷一場公共衛生災難，好多人會死，經濟會大倒退，政治上嘅動盪亦都會緊接而來。經歷過沙士嘅香港人，可能會憤怒，會無助，屋企甚至會有爭執，但係我真係無呢啲感情。大家唔係風水佬，俾你預視到德國醫療系統將會崩潰，你都無利可圖，無獎攞嘅嘢，唔好做。

我以前消防局嘅同袍依家要輪多更，小朋友搵唔到人照顧。

我老婆有個朋友，下個禮拜生仔——不過老公唔俾入產房，依家醫院全面封鎖，唔俾「探訪者」進入，老豆都無面俾。

我外母免疫系統好差，中肺炎基本上就代表要預咗入棺材，依家自己一個人住，出街都要提心吊膽。

我做護士嘅朋友，取消曬所有假期，唔俾仔女見爺爺嬤嬤，怕自己惹到小朋友再惹到俾自己父母，間接推自己親人去死亡邊緣。

我身邊有人係單身媽媽，唔知道呢段時間點安排個仔見老豆，亦都好怕自己病咗，照顧唔到仔仔。嚟緊呢幾個月，要兩個人相依爲命。

我呢？月底本來安排好曬啲嘢，打算喺屋企開一班「德文極密集課程」，作爲建立「黃色德文學校」嘅第一步。行程，課堂內容，甚至連餐飲同七人車都安排好曬，依家都被逼要取消。投資咗嘅金錢時間心血泡湯，損失都有限，見到自己嘅計劃胎死腹中，德國「康復」遙遙無期，真係一個更加沉重嘅打擊。

不過相比起其他人，我地屋企情況仍然係好好。

你話我怕唔怕中招？我都怕…嚟緊呢段時間，我已經萬萬吩咐屋企人要斷絕同外間嘅所有接觸，我會幫佢地買餸同處理其他要外出嘅事務。作爲呢個大家庭唯一一個男人，如果我真係病咗，咁點？

要佢地出去，我更加唔放心。經歷過沙士，我諗香港人都有一對「病毒監測眼」，所以點戴口罩，點消毒雙手，點避免接觸有可能有病毒嘅表面，我地都好清楚可以點做。我見過好多德國人，戴住口罩，不過呢頭開咗個門，摸完個門柄，之後就摸自己塊面，咁老實講，真係不如唔好戴口罩，浪費資源。

幾個禮拜前，我姨仔仲笑我，學其他人買咁多乾糧儲備，世界末日咩！「都係唔好笑你住，遲啲分分鐘要你分返啲俾我。」

咁講其實咪又係笑9我…

上兩個禮拜，我去買餸，我同我老婆講，我買多一次儲備。佢話我地已經有，點解仲要買多次。我話，買多啲無死嘅。

其實我係買定，等有需要嘅時候可以俾我姨仔…

係，德國人唔鍾意人戴口罩，可恨。

係，德國人無憂患意識，早兩日仲出去開Party，白癡。

係，德國政府慢人幾拍，無承擔，抵鬧。

但係我唔會話啲人抵死。我唔會話「睇下邊個可以笑到最後」。

因爲死嘅人，可以係你身邊嘅人。每次我諗到呢度，我都嬲唔出。

因爲德國人防疫意識低下，大家就要「八千萬，thx」？有呢啲心態嘅人，都幾肯定係德國嘅過客。

如果覺得德國唔只係你人生嘅一個中途站的話，留低，好好準備度過呢一場風暴。

1. 唔好怕德國人眼光！如果外出係會有同人交談嘅可能性，戴上口罩。我呢幾日戴，啲德國人仍然會望，不過已經無誇張嘅表情。我好相信好多德國人已經接受咗口罩呢一個防護裝備。如果你無的話，可以喺Facebook德國人羣組入面問，少量緊急自用，好多人都可以讓出幾個出嚟。就算無口罩都好，用布口罩，圍巾之類嘅衣物擋一擋，我認爲用簡單嘅科學邏輯，阻止到飛沫到達面部，點都有一定效果（前提係要用完之後清洗）。

2. 仍然未買儲備的話，依家好買，因爲你依家應該已經好難買得多，而遲啲情況只會更差。我估計有一段時間，係會持續供應緊張。如果你唔夠儲備，就要成日出去買，買唔到就要出多幾次撞正佢返貨嗰下先買到，風險會增加。至於要買咩，好多網站都有建議。主要都係十日乾糧（麪，米，麪粉我已經見唔到），唔同類型嘅罐頭食物，少少油鹽糖就夠。水的話，理論上都要，實際上我自己無好多儲備，我假設今次疫情唔會影響到水嘅供應。

3. 除咗避免外出之外，亦都要避免所有有可能危害健康嘅活動，唔好話無嘢做，就去油下窗臺出面嘅油，或者見無咩人出門口，就出去遊車河飛車，自己去野外做運動揸下Mountain bike。我認識做專科手術醫生嘅鄰居，佢講話醫院估計兩三個禮拜之後，德國醫療系統會受到全面衝擊，依家所有非緊急嘅手術已經取消（就算連部分腫瘤切除手術都唔做住），全部病房開始轉成專醫呼吸性疾病嘅病牀，就算佢係做手術嘅醫生都好，都已經要接受操作呼吸機嘅訓練。德國嘅醫生護士其實都有曬心理準備，不過疫情一爆發，就算成個醫療系統超負荷運作，都仍然有人會得唔到適當嘅治理。就算你無中肺炎，但係如果醫院無曬病床，全部醫生都去曬ICU，或者醫護病曬，你跌斷腳，炒車都可能分分鐘無人幫你醫。我都求神拜佛，希望一家人，尤其係仔仔呢幾個月身體健健康康。

4. 唔係因爲自己經歷過沙士，就高人一等，唔好咁諗。如果身邊嘅德國人開始驚慌，唔好再落井下石，沙士嘅經歷，可能會俾到我地創傷過後嘅自信，咁你就更加需要伸出援手，等身邊嘅人體驗到香港人嘅抗疫質素。我知道好多香港人一肉緊，就好容易激動。用另一角度睇，呢個係一個「香港人獅子山下體現香港精神」嘅契機，係唔係（笑）？…

最後，祝所有喺德國嘅香港人，健健康康，平安渡過呢一場世紀疫情。Bleibt gesund!

越無用，就越要做

命運就係咁。

好日我都唔病一次，開始眾籌之前就嚟場大感冒，到好返無耐嘅時候，香港就要發生啲咁嘅事件。

因為反送中呢單嘢，我放低咗好多本來做緊嘅嘢。我好想可以答曬所有聯絡我嘅人所問嘅問題，但係我想答咗呢幾條先。

你唔怕得罪人咩？你咁做有咩用啫？你好得閒咩？

你要知道，呢個世界有好多悲觀嘅人。我覺得悲觀係可以的，不過一個人嘅言行，唔應該俾自己悲觀嘅睇法影響。

你做嘅嘢，有用咩？我以前成日都會問自己呢條問題。好耐以前我會話無用，所以唔做。到年紀大咗少少之後，我同自己講，一定有用嘅，所以做，不過做嘅時候，會有一種唔舒服嘅感覺。

唔舒服係因為自己心底裡想做，所以覺得要逼自己相信做嘅嘢有用。你咁樣呃自己，做嘅時候，你心裡面有矛盾。

到今日，我好清楚答案係無用，但係都係要做。

係，越無用，就越要做。

去法蘭克福

我以前有個學生見到SCMP已經有出埋片，認得出我。睇埋留言就知道，我喺呢度講唔講自己嘅立場又好，出唔出我個樣又好，事實上已經無咩分別。咁我不如俾講埋我想講嘅故仔，希望大家聽過之後，可以明白點解我話越無用越要做。

講緊嘅，其實係香港人喺法蘭克福搞嘅反送中集會。去唔去法蘭克福參加集會呢個決定，我考慮咗好耐，本來我唔打算去嘅，但係我最後都選擇咗去。

仲要九號同十六號兩個禮拜日都去曬。

當日我老婆其實一早有約，參加一個朋友嘅婚禮，本來我要幫手湊仔，等佢可以輕鬆出席。我本身好唔鐘意自己做啲個人決定，會影響身邊嘅人，最重要都係怕影響到屋企人。點解我之前決定退出消防隊，呢個都係一個好重要嘅原因，不過呢個係後話，有機會先再講。

星期一至五，我老婆已經要日日湊仔，星期六日，我盡量會俾我老婆休息一下。我問我老婆，星期日我去法蘭克福得唔得呀？佢話：如果你覺得你可以為你家鄉做啲嘢，咪做囉。我知道佢要自己帶住個仔出街出咁耐，肯定會好辛苦，但係佢都先叫我上去…需知奧芬堡距離法蘭克福都有一段距離，揸車上歐韜班的話，都要兩個半鐘。來來回回，都真係成日無咗。

不過，我上到去先知道，原來好多人都遠道從其他城市過嚟，搭火車都有人搭成四五個鐘，我揸嘅兩個半鐘車程其實真係不是什麼。更有人帶住小朋友嚟參加集會，我諗到我自己以為拋妻棄子，好大犧牲，真係諗得自己太偉大。

到咗嘅時候，啱啱好係大家準備好曬紙牌嘅時間。好自然就要叫口號。

問題嚟啦，喺我地幾十個人當中，似乎無咩人有信心可以用曬三種語言嚟叫口號。大家你眼望我眼，搵緊一個可以帶領大家叫口號嘅人。

我知道邊個係搞手，咁就好自然望向負責入紙嗰位朋友。我發現佢都望住我，你眼望我眼。

我以為大家都係望住佢啦…我見到原來有份參與嗰四五十個人，好多都望住我。

組織集會嘅人，根本就唔係我，只係可能因為我係『谷主』，大家又知道我識講德文，所以自動波向我投向『你嚟啦』嘅目光。

唔怕老實同大家講，我當時心入面係覺得有少少不知所措，心諗我上嚟都係想幫幫手，唔想話企喺前面，更加無諗過要領叫口號。

我嚟咗德國差不多十年，自然無參加過任何集會，而未嚟之前，我年紀尚輕，真係對政治無咩理解。所以你可以話我嘅政治觀念係喺德國建構出嚟嘅。呢個建構嘅過程，一路都好舒服，無咩負擔，喺德國，我就係『外國勢力』，得閒可以玩下Walomat，不負責任地同啲德國人吹水，可以隨便恥笑德國左膠橫行，又可以插下阿凡達有幾出位。

喂，第一次參加，你地就望住我？依家我企咗喺度，諗緊我點反應好。電光火石之間，我諗咗幾樣嘢，其中一樣嘢，引申去第二個問題：你唔怕咩？

怕？

本來我覺得，我係一個喺德國嘅香港人，小薯仔一名，有咩要怕？今日睇新聞，留學生返香港，都有啲臀部痕癢嘅警察叔叔截你，你就知道『怕』係有原因嘅。

兩次集會，都有人話想要戴口罩，正如我之前同蘋果做訪問嘅時候，我都有講過，我覺得有人受訪唔想出樣，集會要戴口罩嘅事實，好恐怖。我絕對唔係話想戴口罩嘅人係淆底獸，連出個樣都怕呢樣怕嗰樣。唔係，如果一個人恐懼政權的話，原因一定無可能係個人細膽，而係呢一個政權已經太可怕。

正正係呢種恐懼，每一個人更加要有嗰句講嗰句。

唔怕咩你？怕呀，我其實都怕搭過山車，但係每一次我有機會搭，我都同自己講，你今次淆底，你下一次一定會更淆，淆多幾次，你最後連搭碰碰車都淆。所以有陣時就算真係唔想搭，都要逼自己搭。

你唔一開始就堅持講真話——你可能覺得我誇張——但係終有一日你真係會講唔出。我呢啲已經離開咗香港嘅人，喺德國已經有第二個家，幸運地，健健康康，有一份穩定工作，有一個安樂窩，如果連我呢啲咁幸運可以喺德國生活無憂嘅人，都唔敢做多一步，講多一句，咁你覺得你自己可以點樣評價喺香港企出嚟嘅香港人？

諗到呢度，我就淨係講咗一句：『叫德文先呀係咪呀？』

到六月十二日，我以前教過嘅一個學生組織多一次集會，同一個地點，都係法蘭克福，不過今次有超過一百五十個人參加。我睇到咁多人嗰時，係真係呆咗。

除咗佢同一兩個德文比較好嘅朋友之外，我就延續咗上個星期嘅角色，繼續負責帶頭叫口號，讀埋份德文聲明。

我自己性格係咁，做親咩嘢，都唔鐘意混入太多情感落去。但係一群人走埋一齊，有一個共同嘅背景，有一個共同目標，就希望大家都有凝聚力。

所以我叫嘅時候，覺得好難控制自己點樣叫法。係，喺一個陌生嘅國度，德國人走過，任你叫得幾咁激情，聽到你用廣東話叫『林鄭下台』，有咩用？

所以，又係講有無用。

無用，對你嚟講可能就係最有用

我覺得，呢啲口號，係要叫俾自己聽，叫俾身邊嘅香港人聽。

我翻譯咗啲海報，有幾多德國人真係睇咗？我見到有十個八個，望咗一眼。九月六日之前我捱眼訓翻譯出嚟嘅聲明，好多集會都有人讀，但係有幾多個德國人真係有聽？我唔知。我翻譯嚟俾德國人睇嘅片，又真係有幾多德國人睇過呢，我都係唔知。

無論人數幾多，做到咩效果出嚟（柏林嘅香港人其實真係令到德國好多政黨同政府機關回應返呢件事，係有效果的），你對住香港依家呢個政府，真係無用。有效果，無結果。

你諗下，香港有二百萬人上街，政府最後都係保持五無。我身邊有德國朋友講，二百萬人？一人企出嚟屙一篤尿，政總都會沒頂。可惜，我自己都唔係屬於勇武派嘅人，我好欣賞肯堅持企出嚟嘅人，但係無奈大部分香港人都係順民，政府一定係食滑你，咁到底點樣可以搵到香港嘅出路，我真係悲觀，睇唔透。

不過。

一個人嘅記憶，取向，行為，係塑造一個人最重要嘅元素。我要記得我呢一個時刻嘅立場，我要記得我嘅香港人身份，我要記得我捱眼訓翻譯過，我叫到聲沙咁嗌過，我要做曬所有我可以做嘅嘢，我先係延續緊我自己嘅身份。

唔咁做的話，你會灰心，你會放棄，你會失去自我，你會『被長大』。你會慢慢覺得做廢老的話，其實都唔差。

所以，就算幾無用都好，唔代表我就選擇唔做。

呢個就係點解我上面講越無用，越要做嘅原因。

唔怕？

有一兩個朋友，見到我翻譯嘅片，好清楚有立場。佢地話：你唔怕無生意咩。

我明佢講咩。但係我唔怕。

我成日都話自己好彩，係一個德國工程師，喺呢邊都叫搵到食，淨返嗰啲時間用嚟做咩，好明顯就係自己真係想做，唔係為咗錢。你諗下，王迪詩想喺信報開個天窗都唔得。一個字六毫子，寫足五百個字，得嗰三舊水。大佬，香港依家食餐好少少嘅飯，都唔止呢個價錢啦。

不過我又好好彩，我教親嘅學生，個個立場都同我好相似。如果你因為我反對修例嘅立場而唔想搵我學德文，呢個係你嘅選擇，我控制唔到。

我咁睇，讀德文唔係好似你讀中英數咁，學校逼你去讀，你無得揀，你重要好俾心機去讀，因為呢個係現實嘅需求；讀德文，唔多唔少係一個好個人，好高層次嘅選擇。就算大把話嚟德國讀書嘅人，到最後都係唔讀德文。

所以嚟搵得我嘅人，其實都係另外抽時間，畀學費出嚟學，都真係本身好有心學。咁你讀一個國家嘅語言，一定係要對一個國家，有起碼嘅認識或者係認同。而通常學生想跟我讀德文之前，我都一定會了解佢地想讀德文嘅原因同背景。

『覺得德國係一個好有歷史背景嘅國家』

呢個講法，我聽過唔少。

咁如果你讀得德文，都仍然認為『人權』，『自由』，『平等』呢啲德國人重視到要寫入基本法嘅嘢，對於你嚟講都無咩關係的話，咁你其實就係名副其實嘅讀屎片。

咁如果你硬要讀屎片的話，你支唔支持我，我都無咩所謂。

蠢？

講起支持，我老婆無好似我咁癡住香港啲新聞，所以頭腦比較清晰，問我喂依家你個眾籌搞成點？

唉，本來一開始個勢真係好好，唔夠十日八日已經衝上目標六成。不過原來網絡世界真係咁殘酷，無賣廣告，眾籌條Bar就真係唔會點郁…

我本來打算詳細咁解答返之前好多人有問過有關課程嘅問題，仲想投稿去DW，仲想整一個學生訪問，不過依家唔會做得起，其實六月嗰陣時已經鋪排好曬，不過一開頭都已經病咗，搞到連個推出日期都守唔住，依家得返九日，距離目標唔遠，仲有兩成。不過我想幫人翻譯嘅嘢，都仍然未翻譯曬，剩返落嚟嘅廣告，真係唔知做唔做好。

尤其係眾籌呢家嘢，好講一開始道氣，你最後嗰幾日先嚟講你嘅課程有幾好，尤其係我呢啲好講Commitment嘅眾籌，人地連消化嘅時間都無的話，點會肯支持。有好多人WhatsApp問我，到底課程啱唔啱佢地用。有好多人期望可以淨係上我嘅課程而學好德文，咁我都好老實咁講，我做唔到呢個效果，都唔希望人地俾錢支持。眾籌係一個工具，如果因為想眾籌達標，而扭曲咗自己嘅初心，咁籌得成又有何用。

呢個計劃，其實係將我嘅一個想法付諸實行嘅第一步，眾籌計劃如果達唔到標的話，其實就係代表我嘅想法未必可以聚集到我預期中嘅能量。

假如失敗，原因只能一個，就係我做得唔夠好。

所以第三條問題，你反問都好，我都答你：你好得閒咩？——唔得閒，好唔得閒。你質疑我做啲『無用嘅嘢』，犧牲咗自己本身個時間表，蠢。

值唔值得，我上面答咗你。我又做一個比較呀：比起喺香港罷工罷市嘅人，我就算眾籌失敗，錢銀上其實都唔會有損失。香港做生意，做唔掂的話，係搵食都搵唔到，人地壓力大過我多多聲。我又要講自己係幸福留德華，真係輸極都唔會衰得去邊。

我咁講，大家可能覺得我唔在意計劃嘅成敗。我唔想大家誤會，我自己擺咗幾多心機時間，有幾真心希望自己嘅課程可以推到出嚟，對我有少少了解嘅學生同朋友，相信都好清楚。

尤其係已經支持咗，好期待個課程嘅朋友，臨門一腳先唔到入波的話，我對你地唔住。

贏五比零？輸五比六？

所以希望之前同我話等到最後先出手嘅朋友，呢幾日可以真係入FringeBacker支持我，如果唔係到最後一刻真係唔記得咗，好容易會甩轆。

All or nothing嘅眾籌就係咁。一開始我覺得自己贏緊5:0，最後5:6，先入你五粒，都可以輸㗎。

但係唔代表我之前做嘅一切會付諸東流，唔可以咁睇嘅。

都係嗰句啦，贏輸都好，應該做的話，都要做。

- 寫於從哥廷根出發而又例牌延誤的德鐵火車上

我想寫，本來是覺得浪費時間，但是想了想，要停一停，回憶以前在大學讀書的時候，德國同學說，溫習累了，要起身，喝一杯冷冷的清水，Erfrischung是也。他說得很有道理。

你是一個身處德國的香港人。

你知道德國人不喜歡在辦公室內看見人大模斯樣滑手機，你把身子輕輕的扭到一邊，把手機放到你掌心下面，用食指打開Facebook，看見FAZ有一篇很好的報導，你趕快輕輕按下Gefällt mir的手指公。到了Welt的報導，實在也很好，你還偷偷的先打開，看一看他怎麼講香港有Aufruhr，雖然有點誇張，不過還是要再多點一次Gefällt mir。這種鬼鬼鼠鼠看新聞的方法，導致到你感到不常出現的偏頭痛。

你今早走進有『德國工X會』之稱的VHS的課室，整個課室的學生和老師都目不轉睛地看著你，你知道他們希望你講一講現在香港的第一手資訊。不過你才學到B1，也是上一個星期剛學到Heimat這個字，『嗨擘』這個廣東音，你脫離不到。你昨天有仔細看過其他香港人翻譯出來的海報，資料和影片，使盡九牛二虎之力，跟同學講解你的看法。老師看來很滿意，你心裡雖然壓抑，不過都有一絲喜悅：我的德文，終於可以大派用場。

你在看蘋果的反送中集會Live。你的遠方親戚還在你根本就不常用的微博跟你說，有人又想搞亂香港，『搞搞震』的黃台仰和李東昇，也來了哥廷根讀書，問你有沒有見到他們，隔著電話也感到那種廢老特有的氣味，令你十分不適。這次你不顧禮貌，已讀不回，繼續看Live。

你才剛剛考了車牌，去Köln的話，要上Autobahn，速度太快，你有點怕。不過你最後還是拿起車匙，登上車，參加集會。

你問你老婆：發狂的，失去理性地，暴力地做一件事，可以怎麼講？"Willkürlich?" 好像不夠暴力，沒有發狂的意思。"Sie sehen ja!" 她說。你重複睇翻看這一條片段，對，看這一條影片的人，不論是香港人，德國人，還是這個地球上任何角落找出來的人，都看得出瘋狂的暴力。Du hast recht. 你回她一句，繼續在影片下的小框框內繼續打字。

你沒有什麼時間，但是準備明天跟德國政治組織會面，一路準備，已經是凌晨兩點，坐在電腦面前整了十張Folien。你的德國朋友，半睡半醒坐在你旁邊，說你有Tomaten in den Augen。你不解，德語你學了好一陣子，你知道Tomaten是番茄，Augen是眼睛，但不知道什麼是『番茄入眼』，到你入廁所照了鏡，就突然明白德國人這個說法還是挺生動的，難得地笑了一笑。

你看到上一個禮拜在Paulplatz的集會，也有四五十個人出席，見到了很多在香港人在德國Group的版友。你對自己說，今次硬著頭皮，接下來的星期日，也要再搞一次集會。

雖然你完全沒有舉辦集會的經驗。

你其實很討厭香港令人難以呼吸的氣氛，能夠來德國，就覺得很幸運。那天你離開香港，飛機在法蘭克福的跑道緩緩降落，興奮和期待的心情，掩蓋了你的不悅：在Terminal zwei去出境大樓，那趟麻煩的轉駁巴士，也沒有什麼可以投訴。巴士窗外的風景，你還歷歷在目。不知何故，真的，這一次你是真正的大惑不解，此刻你想把這個美好的回憶，一格一格的倒放回去，讓你可以回去，跟朋友一起去金鐘。

你睡得很差，晚上輾轉反側，來了德國那麼多年了，發的夢，夢境仍然是在香港這個故鄉。你看過的新聞片段，糾結纏綿，左邊手臂仿佛感到力寶中心下面胡椒噴霧的灼熱感，突然之間你又去了龍和道這個只有昏暗街燈的地方，頭頂上不斷橫飛的催淚彈，噴出絲絲輕煙，嗆入鼻孔，你忍不住咳了出來。你又驚醒了。你身邊的男人也一同驚醒，雖然他不是香港人，但他知道你在想什麼，輕輕撫著你的頭，抱著你再次入睡。

你在一個匿名的Google Doc文檔入面飛快地打字，你口中念念有詞，深夜兩點半，嗒嗒的打字聲在書房內特別嚮。不過每一次打到Z這個字母的時候，你總會打錯，頓一頓，又改回去。翻譯逃犯條例，打Auslieferungsgesetz最後的z字，打了幾百次，還是繼續錯，因為你還是每天都打廣東話，下一分鐘，你又打德文，兩個鍵盤之間轉來轉去，永遠沒有習慣Y和Z的錯位。

你剛好放Semesterferien，這個令你期待已久的德文字太重要了。在德國讀的第一個Semester，眨眼就過去，才剛剛想要過去德國另外一邊近法國邊境的Colmar，風景實在太明媚。你正在上網看這個Bla Bla Car司機的評價，香港就傳來了佔領的消息。你馬上按了頁面上那個不起眼的Abbrechen按鈕，開了Lufthansa的網頁，第一班的飛機，直航，法蘭克福到香港。想買機票。

不過戶口沒有錢。

你往後坐了一坐，把視線從網頁略略往邊框一移，新買的Macbook邊緣閃著貴氣的光芒。

你立刻拉開左手邊的抽屜，把幾日前的單據拿出來，合起電腦，衝出去趕搭S-Bahn，很快就到，下一個站就是Apple Store。

你公司的大老闆本來想在亞洲建立一個Niederlassung，你是香港人，自然一路跟他推銷一下香港，畢竟你都想有機會多回去香港一下，就自然要跟他說星加坡也沒有香港好。可惜，這幾天你看見IHK的聲明，看見你的大老闆，你仿佛有點心虛，不敢再跟他講香港的營商環境有多好，搞一個GmbH有多簡單。你回到家裡，才猛然一頓：沒有！香港才是最安全的！哪一個城市可以有一百零三萬個守衛軍一夜出現？

你悶屈了兩天在家，老婆跟你講要跟女兒出去走一個圈，買點日用品。你走出去，陽光明媚，卻有點刺眼，德國的街道突然變得陌生，好像你多年前剛剛搬來的Berliner Dom，那些典雅的古典建築給你一種沒有感受過的新鮮。你突然明白了什麼，心頭一抽，女兒天真地問你為什麼停下來，你只能對著天真的她笑一笑，在德國長大的她，不會明白香港在你心目中有什麼地位。

你來了德國十年，本來覺得自己跟香港沒有什麼關係，你就坐在那，想著想著，明明你覺得你從來沒有悲傷過，但是眼角不自主地流下淚水。

你的兒子在地上爬著，你的女友沒有在看，不過你知道她不喜歡你跟兒子一起的時候玩電話，Handy weg！這一次她沒有說什麼，反而到林鄭月娥講英文的時候，Suspension，她說她也明白了。你心想，她其實不明白，林鄭月娥最喜歡玩的『擱置』招數，連很多香港人也不明白。Aussetzen跟Zurückziehen是不一樣的。

你看見熒光幕上吊著的黃雨衣，你雙手發抖，憤怒得喉頭發出咯咯的聲音，在你身邊上Schulung的同事，個個都問你Was ist los？你無力的手揮一揮，也沒有力氣擦去眼中的淚水。

對了，發生什麼事呢？你自己也不知道。"Ich weiß nicht, wie ich erzählen soll."這句本來是你德文差的時候，用來擋話題的藉口，不過這一次你是真心的，你真的不知道怎麼解釋好。

你其實沒有什麼可以做。

你其實也不用有罪疚感。

我想你——其實也想自己好好休息，利用你的身份，你的能力，保持平和，保持鬥心。

Tut einfach, was ihr tun könnt.

最後我想多謝你地。

黃台仰，李東昇成為德國政治難民的啟示

黃李兩人得到德國政治庇護的新聞一出，作為一個已經居住在德國接近十年的『歐洲燦』，很多朋友都立刻走來問我的意見。

我自己本身不多談政治，而且早前還在準備眾籌計劃，所以沒有時間講。用國際關係的宏觀角度來分析事件，很多媒體都有做過，我自己不是專家，唯有用另一個角度來講一下自己的感受。

德國庇護政策

首先，講一下德國的庇護政策。

如果有人到德國申請庇護，德國負責難民事務的『德國移民及難民局』（即是領事館講的BAMF）會就申請者的背景，決定是否給予『庇護保障權利』Asylrecht。

現在橫過地中海的人，很多都是來自敘利亞等戰亂地區，BAMF很容易就會給出『難民庇護』Flüchtlingsschutz，麻煩的地方是很難分辨假難民，亦即所謂的『經濟難民』Wirtschaftsflüchtling。決定一個人是否可以獲得難民庇護保障，這一部分是根據德國的『難民法』Asylgesetz來決定的。

政治庇護的『層次』其實更高。大家看見德國領事館分享德國基本法七十週年的Post嗎？政治庇護這部份是根據基本法Grundgesetz而批出的。基本法最重要的第一章，入面的第十六節講：『受到政治逼害的人，可享有庇護權利。』（Politisch Verfolgte genießen Asylrecht.）

能夠列入基本法的條文，BAMF哪敢不從。我見過好多中國人來德國申請難民資格，BAMF拒絕申請，這些『難民』即刻請律師來跟地方政府到行政法院打官司，很多時候都會贏，那些律師都會說BAMF不看申請者的政治逼害（多數是用修煉『法輪功』而被中共逼害來做理由），把案件升到GG的層次，BAMF就立刻GG。

香港領事館的聲明提到兩人得到庇護的過程，是德國政府依法辦事，而且是基本法，可見絕非吹水，珍珠都無咁真。問題是他們兩個人是否符合Politisch Verfolgte的定義。

黃李兩人的『政治逼害』

BAMF怎麼審批兩人的申請，除了負責審批的那位官員，永遠沒有其他人可以知道。

他們在香港被判的是暴動罪。香港媒體也有報導，暴動罪自從七十年代起就沒有判過，示威者有衝擊警方的行為，要告的頂多是非法集會。

我特地翻查德國的刑法典Strafgesetzbuch，講類似的罪行，是刑法第六章『反抗國家權力』，這一章入面有很多條文根本都已經失效weggefallen，略略知道德國歷史，都知道德國人就是怕國家機關用些不切的罪名來控告反對勢力。這一章入面，根本就沒有暴動罪，只有一條『於公眾場所教唆他人犯罪』的罪名。

早兩年漢堡G20峰會，很多示威者無端白事放火燒車，砸商店，搞破壞，看到很多人都咬牙切齒。但是你看看德國的媒體，主要講的都不是示威者怎麼『暴動』，而是警察濫權，Polizeigewalt這個關鍵字，出現次數極多。無他，示威者可以放火搞破壞，但是不會有死人冧樓的後果，警察如果取得公權力之後濫用，對市民的威脅比起幾輛焚燒的汽車嚴重得多。要是讓鄰家法國人聽到，對裝備精良，配有警槍，早有準備的警察，拋幾塊磚和幾個玻璃樽就當是暴動，法國人應該笑到失聲。

如果，警察圍毆市民，是普通襲擊，判刑兩年。年輕人因為騷亂，被控暴動，判刑三年，你用德國人的角度來看，除了是政治逼害，他們找不到其他原因去解釋兩者的分別。

更加不要講過去的洗頭艇，和將來的逃犯條例。

難民問題？

近幾年中文媒體有關德國的報導，『難民』這兩個字，肯定是跟『問題』連結再一起。『難民問題』老是常出現。

現在令人覺得好笑的一點，是香港的『本土派』得到德國這個『左膠害國』的國家庇護。

來到德國之後，我發現，光是怎麼稱呼香港不同的政治力量，已經十分難。很多對香港和中國政治局面不太了解的德國人，以為『親中派』就是『左派』（因為中國行所謂『共產主義』就一定是左），香港根本就沒有真正的左派和右派，我跟德國人講香港的政治分野，每次都好難三言兩語講清楚。

比較一下，香港本土派所講的本土主義，不多不少就是德國右翼民粹的另類選擇黨AfD的立場（還好香港媒體已經開始不用極右政黨來稱呼AfD）。很多香港人投射了自己對新移民的反面情緒到德國的難民政策，認為德國人大量接受難民，是左膠氾濫的後果，終必帶來大量『蝗蟲』。那些不了解德國政治和歷史，就整天說德國左膠害國的香港人，現在知道黃李兩人得到政治庇護，就為德國歡呼，興高采烈地讚揚德國基本法的第一條如何神聖。

尤其是那些選擇留在德國，卻整天批評德國接受經濟難民，遲早滅國的香港人，我想問問，黃李兩人，是不是經濟難民？香港這個繁華的世界大都會，人均收入贏德國一個馬位，也有港人可以做德國的難民，他們可算是『德國蝗蟲』？

我不是說德國沒有左膠，德國的政治和政策也不是完美，不過隔岸觀火，大家都喜歡爽口的立場。『德國教育給予小孩完美的童年』或者『德國難民湧入犯罪率大幅提升』這些標題，我們喜歡看，因為夠戲劇性，又可以投射香港人自己的情感進去。

有血有肉的平衡

這也是我不喜歡講政治的原因。政治需要深度，我可以跟你講德文的屬格在表示名詞從屬關係時要留意什麼，因為我自己已經學了十年德文，但是我不可能跟你講香港和德國的政治局面，因為我只是一個普通人，對政治只有有限的理解。不過今次這個例子，已經超脫了國際政治形勢的框架，讓德國再有一次立體地走入香港人眼簾的機會。

所以我覺得，黃李兩人得到德國政治庇護的最大啟示，就是為『德國充滿左膠』的片面論述帶來一個有血有肉的平衡，略略拉近香港人對德國政治的理解。

到底講德文有口音，有無問題？

我喺好耐之前寫嘅血淚史入面寫過：我講德文嘅口音算唔錯，可以呃到一啲德國人，以為我係喺德國大嘅華人。但係我都講過，無口音，遇正啲對語言唔係好敏感嘅德國人，真係好慘。

扮曬蟹！

唔係呀，慘痛經歷係真人真事。

我記得我實習嘅時候，公司入面嘅Hausmeister（類似管理員之類啦，管公司燈油火蠟嘅人）係一個中年嘅阿叔，唔識講英文，德文亦有極濃重嘅普法爾茨口音。

等等，想知pfälzisch可以有幾勁？我當時嘅同事就講過，佢細個一家人上漢堡度假，啲漢堡人聽佢地傾計，以為佢地係法國人…嗰時返工，個個都講"gim morsche"，打招呼用語，我估到係點解，不過同我地學校字正腔圓嘅標準德文"Guten Morgen"真係有太大嘅距離啦！

話說回來，Hausmeister叔叔當時approach我，一嚟就自我介紹，咁我就好簡單咁回應下佢兩嘴啦。

弊就弊在，呢啲簡單對話，我練習過幾十萬次…導致我講得『太好』！

佢立刻將我嘅口音嘅表現直接同我德文水平掛鉤，啟動『德國人對德國人對話模式』！

然後我就聽咗佢大概五分鐘嘅Monolog。

我係近乎完全唔知道佢講咩，禮貌上，我只係每隔幾秒點一點頭…保持微笑，全程擺出一副用心聆聽嘅樣出嚟…

依家諗起，佢好似係講啲有關公司嘅人事，趣聞之類，但係我當時嘅德文水平，真係『糞便級』都算抬舉，唔好講話深入嘅對話我無可能可以跟到，就係聽佢講pfälzisch就已經好似聽緊一個阿叔唱潮劇咁。

趣事講完，講返自己睇法：我覺得講德文，口音呢樣嘢，有兩條線要set。

第一條線，係『溝通』。語言第一個功能係溝通，如果你講嘅口音，係離譜到根本人地聽唔明，或者產生好多歧義的話，對唔住，真係無情講，你一定要落苦功改善。還記得一開始讀德文嘅時候，Schlaf，scharf，Schaffen，Schaf…呢幾個字，真係讀到我人都癲。或者啱啱學啲Umlaut咁囉，初學者一定會搞亂咖。但係無辦法，如果你話"Das ist scharf." 同埋 "Das ist Schaf." 好似，發音就係囉。意思就係，食嘢的話，一個講緊你食緊辣嘢，一個係話你食緊隻羊…如果有學生同我學德文，有啲字嘅發音係令到我聽唔明的話，我會十分之俾心機去幫佢改。依家我放假返咗香港，搞個發音工作坊，其實都係好想可以幫到呢啲覺得第一條線已經好難過嘅朋友。

第二條線，係『音樂』。德文係語言，但係都可以係音樂 - 聽落去，令人覺得心曠神怡，咬字，發音，音調，韻律都可以有無限嘅追求。但係如果你唔係修讀日耳曼文學，走去教書，或者係幫外交人員翻譯對話的話，我自己覺得追呢條線，其實幾無謂。

蕭叔叔係一個我十分之敬重嘅人，點解呢？因為由佢寫Blog嘅時期，我已經有睇佢寫點樣英文由F字學起。呢個咁破格嘅切入點，老實講唔係人人夠膽做，或者做得到。但係依家好多人都專注落蕭叔叔嘅完美口音度，繼而好想模仿佢。唔好誤會，我絕對唔覺得好嘅口音無用，佢都要經過無數嘅訓練，先可以達到呢個口音俾比英國人更英國嘅境界，聽落去，就真係如沐春風咁。但係相比起佢嘅口音，去學佢點樣用地道英文，講一啲地道嘅句子，我覺得對大部分嘅英文學習者，或者會有更加大嘅幫助。

我記得喺德國讀大學嘅時候，我認識咗嚟自印度，巴基斯坦，南非，納米比亞，黎巴嫩，保加利亞，俄羅斯…嘅同學。真係咩人都有…來自納米比亞嘅同學，學識淵博，識同我討論『四人幫』喺中國歷史上嘅影響，而英文亦講得十分之好，不過佢有好濃重嘅非洲口音。

可能好多人聽到佢嘅口音，就自動會覺得佢英文差，但你細心啲聽，佢用嘅句型，生字，係拍得上一個英國人的。口音呢樣嘢，就好似佢身份嘅一個印記，就好似佢嘅外表，身形一樣，其實係一個組成佢嘅元素。

就好似一個女仔，如果佢好靚的話，每個人都可以欣賞佢嘅美貌。但唔係特別靚的話，又唔需要特登花盡心思，濃妝艷抹，為求做到好似明星一樣咁嘅外觀嘅…

如果德國人都有可能聽唔明另外一個德國人嘅口音，你又何苦逼自己練出一個Hannover腔呢？

回想起，古天樂賣廣告，撚太撚，其實都可以有一種香港人獨有嘅霸氣。

等到頸都長，歐盟終於在議會討論夏令時之後，順應民意，設立問卷，收集歐盟公民對夏令時的意見。

夏令時這個政策，是地球上我少數我恨之入骨的物事。

先講名稱：夏令時間，可以叫做日光節約時間，本來的目的是想盡用夏天日出較早的陽光。這個世界上，其實並沒有所謂的冬令時間，冬令時間，其實就是正常時間。這裡語言的運用，一定要恰當，否則大家以為夏天有一套計時方法，冬天又有一套計時方法，大家平起平坐。不！夏令時間，其實就是不正常的時間！

夏令時這個政策，推出之時，出發點是好的，就是希望能夠節省用來照明的能源。德國是第一個採用夏令時間的國家：在第一次世界大戰的時候，德國採納了這個由英國人提出的政策，結果其他國家深怕吃虧，紛紛效法德國，引入夏令時。

但是，夏令時間在現今社會，不但完全沒有節省能源的優點，相反缺點極多，很多歐洲的媒體和研究機構，已經做過相應的報導，在此我列出一些夏令時間所引起的問題和負面現象：

• 夏令時浪費極多能源——是的，一反大家的想法，夏令時根本就沒有節約能源的功能。以往夏令時可以節省照明的能源，但是現時慳電膽，LED一街都係，照明的能源，根本就不值一曬。相對來說，現時空調盛行，因為日照而引起的升溫，令用於調節溫度的能源需求上升，而用於冷氣系統的能源，是照明的幾十倍！
• 干擾人類，動物的生理週期——年輕的你，可能對於一個小時的調整，不太在意，但是很多年紀大的人，生理時鐘本來就很脆弱，我認識有一些對時間比較敏感的人，也往往要花幾個星期去適應。很多研究指出，時間調校之後，被圈養的動物不能理解，飲食的週期被打亂，乳牛產奶有一段時間會下降。而由於夏天要忽然早一個小時起身，很多人專注力下降，交通意外更容易發生。很多野生動物是根據日出時間來活動和覓食的，把活動時間調早，也會令駕駛者更容易撞上早上覓食的動物。
• 妨礙入睡——放工之後，也可以整天享受陽光，很爽吧！我是習慣香港的日照的，德國冬天黑得很早，所以很早就覺得很疲累，第一年真係很憂鬱，但是夏天又有問題：十點天都沒有黑，結果到十一點，感覺還是香港的八點左右，晚上入睡有時候就會有困難。小朋友一定要早睡，夏天太陽落山本身已經遲，如果再加上夏令時間，就更加誇張，天正大亮的時候，小朋友就要關好窗入睡，通風都麻煩。
• 重新調校時鐘的行政成本極高——夏令時降臨和離開的那一天，要把整個家中的電器和時鐘重新調較一次，既麻煩，又浪費時間得很。而重新定時，對於火車，飛機等的交通工具，更加是噩夢一場。
• 計算的麻煩與錯誤——德國跟香港的時差，本來是七小時的，但是夏天就變成六小時。在三月和十月的時候，我跟香港的學生約補習，都要不斷思考『我快/慢了一個小時，所以他相對我而言是慢/快了一個小時，所以本來他的X點，就是我的Y點，要不我把補習時間向前或者往後推，要不就要他遷就我…』老實講，有基本邏輯思考能力的人，都可以應付這個計算，但是如果可以避免的話，何必自尋煩惱呢？很多時候更加會造成延誤，搞錯約會時間。很多我認識的人，十分痛恨夏令時間，很多時候就是因為有過忘記設定鬧鐘和時鐘，導致重要的約會失約的經歷。更瘋狂的，更有『時空穿梭』的奇聞：2016年美國有一對雙生兒，第一個出生的嬰兒，竟然『年輕』過第二個出生的嬰兒。就是因為時鐘剛好在兩個小孩出生之間往後撥，導致出生證書上，事實上的哥哥竟然變成弟弟…

在講所謂的優點之前，我覺得有一個極度重要的事實，必定需要事先釐清，光是這一點，其實就已經有足夠的力量，去全盤否定夏令時間的價值。

到底我們用的時間系統，有什麼意義？乍聽這個問題，好像很深奧。

我們對時間的感知，不夠客觀，你可能在小學已經做過這個實驗：左手放入冰水，右手放入暖水，一段時間之後，兩手再放入同一個裝有室溫水的器皿，結果左手覺得這盤水奇熱無比，右手就覺得這盤水冰冰冷冷。人對客觀事物的觀察，本來就不是『定量』的，而是『定性』的。用以上的例子來做比較，把溫度換成時間，大家可能都有親身經歷：『開心嘅時間過得特別快，又係時候講拜拜』。

以前的人，測量時間，用的是天文現象去劃出時間的『刻度』，比如日出日落作一日，月虧月盈為一月。但這個計算不夠仔細，所以唯有再分割出時辰，一日再分為十二或二十四個單位（歷史上甚至有十進制時間出現過）。我們現在用的協調世界時間，是基於格林威治時間而建立的，就是大概參照一個地方太陽最高的時間點，作為中午十二時的參考，然後把一日等分為二十四份。

所以，時間系統應該是一個定量的系統，讓我們知道我們身處在時間軸的什麼位置。而四季的變化，導致日照的長短亦有所變化，這個天文現象，是不應該影響時間的刻度的。

再推演一下，如果要盡用日光的話，我們應該如何處理這個問題？會不會是『我們全年都要早上八時上班，但夏天太陽早出來，所以我們把時間刻度往前推吧！』？其實真的十分荒謬。適當的做法應該是『夏天太陽早出來，我們希望可以盡用日照時間，所以夏天三月到十月之間，我們將工作時間推前一個小時，變成七點，那麼大家可以早一個小時回家』。

你不明白我在講什麼？我舉一個誇張的比喻，就用溫度來做例子：

飲熱飲，大家都要留意溫度，太熱會很危險。成年人可以飲熱飲，就算六十五度都沒有問題，但小朋友和老人家感覺不靈敏，不能夠飲太熱的東西，否則容易灼傷，安全起見，五十度就已經太危險了。

那麼所有溫度計，都要有一個額外的刻度，或者自動調較系統吧！十歲之前，用『正常溫度』，從十一歲起，到四十九歲可以使用『青年溫度』，調較後，顯示的溫度都會降低十五度，到五十歲之後，又要轉回『正常溫度』，讓『熱飲不能超過五十度』的定律不會被破壞。

這樣比較，你才知道夏令時到底是多麼的本末倒置。

夏令時唯一一個站得住腳的所謂優點，就是自私地覺得『我可以享受更多陽光』，用來享受夏日生活。但這同樣是偽命題，日照時間一向都是這麼多，不會因為夏令時的引入而增加。重要的，是如何根據日照的開始時間和長短，去安排活動的時間。我不反對盡用日光，但不能用本末倒置的形式來進行。

還有一些有關夏令時的迷思：

• 跟香港的時差少一點，不是更加好嗎？——六個小時和七個小時，有什麼分別呢？時差是現實上兩個地方的地理位置不同而造成的。因為有夏令時，每年有兩段不同的時間，時差會轉變，我覺得更加麻煩。如果時差能夠保持全年一樣，跟香港差N個小時，我都完全無所謂。

• 冬天不會四時就已經日落西山！——夏令時間，完全不關冬天事。我再強調，日照時間是天文定律，就是這麼多，唯一的問題是『你什麼時間開始做某個活動』。

• 夏令時間，可以令我有效運用（日照）時間！—— 一樣是偽命題，如果你喜歡日光的話，我們應該引入『夏季工作時間』，自己夏天早一點起身，而不是引入夏令時間。我有聽歐洲議會討論夏令時間的會議：北歐國家的議員講過，用北歐國家的標準來計算，日照四季變化大得瘋狂（甚至夏天無日落，冬天無日出），夏令時根本毫無意義，只是杯水車薪。

夏令時間只是一個執行得太久的老政策，沒有足夠的政治能量，政客不想推翻，現在歐洲反對夏令時的民意已經去到一個政治不能忽視的一點，才有一絲曙光！

講了這麼多，針對夏令時，最好的處理方法是直接取消。有人喜歡夏天日出的時間，所以退而求其次的做法，是永久保持夏令時，即是把德國的時區完全轉移，土耳其自2016年起就推行這個政策（在問卷內，亦可填這個選項）。我其實亦反對這種妥協的做法，畢竟夏令時就是不正常時間。但我最痛恨的，是一年兩次來回調校時間的動作，所以爭取階段性勝利，『袋住先』，在此情況確實好過無。

在此我懇請各位身處歐盟的朋友，為『廢除夏令時』投下神聖的一票！

你覺得夏令時還有優點？不妨提出，我有興趣知道！

我還有一個同事，是一個持牌的獵人。在德國要做獵人，麻煩了，光是考牌已經要讀書考試，大破慳囊，而要購買打獵用的武器的話，更加誇張：光是確保武器能夠安全地存放在家中，你就要買一個高強度的武器柜，就是這麼的一個鋼柜，已經夠貴，還不算你本身要買的武器，子彈，裝備等等等等，這些支出已經不是正常人肯負擔的，非得熱愛打獵的人，才會捨得花這一筆錢。

不過我這位同事，家中有一個大農場，父親全職打理，他偶爾會幫手。由於他們家有一大片樹林，種植了不少松樹作聖誕樹來賣，野豬數量一多，很多還沒有長高的樹都會被野豬破壞，所以他這個獵人執照，基本上是『家族生意』的投資，讓他可以定期去打野豬，保護自己的樹林和附近的生態平衡。

他每次說周末會去打獵，我就兩眼發光，如果有所斬獲的話，我一定要著他帶些野味來給我。

秋風起，食野味，德國人也有這個傳統！秋天一到，有些餐廳有時候也會在餐牌上提供鹿肉和野豬肉。燉好的野豬肉配上Beerensoße，也是一個很有趣的配搭。我是很喜歡吃野味的，因爲這些動物都沒有很多人跑去圈養，所以就算不是野生打回來的，也絕對沒有大型養殖場的規模，而是黑森林内環境良好的農場，肉的質素十分高，而野味的肉味亦特別濃厚，吃完真是有一種莫名的滿足感。

說起那塊野豬肉，厚厚的一塊，自己也可以用焗爐處理。外皮先煎一下封住肉汁，放入烤箱整一道Braten，肉質當然比豬肉略厚，纖維略粗，但是簡簡單單，把帶有腌料的外皮烤得略焦，裏面的肉剛剛熟，肉汁豐富，就算纖維略厚，也無損那種豐富的肉味，咬下去肥而不膩的濃重肉香口感，一下子充滿整個口腔，真是人間鮮味呀。

這些肉，吃過一次，你就會懷念的。有了這個德國『新歡』，香港的『舊愛』就自然抛諸腦後，想都沒有再想。

你未必有一個做獵人的朋友，但是你有沒有想過這些『隱世高級食材』可以如何獲得呢？你家附近有沒有土耳其或者是俄羅斯人開的小店呢？不一定要去普通超市或者亞洲超市的，留意一下附近有什麼可以買靚餸的地方，你必定會找到驚喜。早陣子有朋友跟我說附近有一家俄羅斯人開的超市，裡面有『玉米雞』賣，就是光吃玉米做飼料的雞，我吃過一次，肉質真的是十分香甜。

是的，要吃好東西，自然要付出。早陣子看新聞，香港人在圖書館，借最多的書，是什麼書？就是旅遊書。幾年前跟內子去台灣旅行，我跟妹妹借了一本台灣旅遊攻略。她揭開一看，雖然看不明白，但是食物和餐廳的圖片，佔據了版面的極大篇幅，而事實證明，攻略的推介，確然不錯。爲求追尋美食，大家也會買攻略回家『刨』，為什麼就不去主動尋找德國美食呢？——當然，在德國，沒有德文支持，尋找資料會比較困難，但這個不是藉口，用英文甚至中文，必然也有不少資訊可供食家參考。

另，吃魚肉講求結實彈牙，就好像吃麵包追求香甜鬆軟，是人之常情。但是你在香港吃慣的『靚魚』，是什麼地方來的？香港麵包鋪的『麵包』，又是怎樣做出來的？我現在常吃地區出產的走地雞，肉質其實比較粗，而且因為吃的糧較簡單，沒有在飼料中混入生長激素和熱量高的成分，脂肪較少，有時候吃起來，沒有那種所謂的『嫩滑』和『油香』。我跟一位香港朋友吃過一間餐廳，他吃完之後不太滿意，說他們炒的東西不夠『惹味』，我翻開餐牌，指出最後一行：『所有食物不加味精』。他有點尷尬——我覺得，煮飯落『師傅』，不是不行，吃飯不一定要完全健康，有益，無添加。我晚上偶爾口痕，也會想念公仔面的味道，必須要煮一碗毫無誠意，充滿味精的的工業製品吃落肚。但是你吃慣的所謂『鮮味』，有時候未必是最佳的選擇。可以你要我選擇的話，我跟內地同胞的選擇是一樣的：我寧可吃德國貨。