關於我們
「石賈墨德語補習社」係由「石賈墨」喺 2017 年正式創立，旨在為有意學習德文或者移居德國嘅香港人提供更加啱身嘅選擇。
2019 年推出「語法課程衆籌計劃」，得到超過 180 位德語學習者支持，成功籌得目標款項 244% 資金，用嚟製作多個專為香港人而設，用廣東話嚟教授嘅德語課程。
2020 年正式成立 GmbH 公司（即係德國嘅有限公司），開始聘請香港人成爲團隊成員。
我哋嘅課程同埋服務針對因為各種原因而想學德文嘅香港人而設計，
無論你係為咗興趣、升學、移民，工作都好，我哋多元化嘅課程種類絕對可以切合你嘅需要。
核心價值
我哋嘅願景
爲香港人揭開德國真實而可愛嘅一面，
令德國能夠躋身「最受香港人歡迎嘅國家」之列。
持續發展「在德黃色經濟圈」，等香港獨有嘅文化可以喺海外得以保存同埋傳承落去，免受赤化影響。
我哋嘅使命
透過優質嘅德文教學同埋相關服務，
幫香港人更加容易咁去理解德文。
從而打破語言界限，為香港人打開「通往德國之門」，
並且成為雙方嘅橋樑，互相宣揚各自嘅文化。
我哋嘅教學
以「理解」嚟做教學重心，摒棄坊間死板嘅路線，
務求令學生更容易理解德文繁複嘅邏輯，同埋背後嘅意義。
作為過來人，我哋深明香港人學習德文嘅困難，亦堅信「唔明白唔理解」就一定會覺得難學。正正因為咁，所以我哋堅持以香港人角度出發，幫香港人理解德文！
我哋嘅香港
就算我哋身處唔同嘅地方，我哋一樣咁熱愛香港，
亦都為香港人呢個身份而自豪。
眼見香港局勢每況愈下，香港人更加要守望相助，
拒絕妥協，就每一個地方同埋範疇去深耕細作。
我哋深信，「念念不忘，必有迴響」！