教學特色

 

 

用自己母語嚟做學習語言,同聲同氣,親切得嚟又入腦,就可以更加容易咁去理解德文嘅結構同埋系統啦!

作為學德文嘅過來人,我哋當然明白香港人學習德文嘅困難,所以我哋嘅課程都堅持以香港人嘅角度出發,設身處地咁度身訂造。

 

出去學或者自學,覺得有好多疑惑?可能我哋先係你嘅Perfect Match!

 

 

每當你喺學習上遇到困難,我哋都隨時準備好伸出援手,即使係課堂以外嘅時間,我哋都會盡力解答你嘅疑難。

 

拒絕死記硬背,目的就係要令學生更容易去理解德文背後繁複嘅邏輯同埋意義。 

 

德文語法出名複雜,唔明白唔理解,就一定會覺得難學。

 

我哋相信除咗授課質素之外,學生喺課堂以外嘅自學能力同樣重要。

 

我哋會以創新嘅方法幫你解決棘手疑難,配合精心搜羅嘅精選網上資源,助你輕鬆學習德文。 

 

 

邊個話學德文一定係沉悶死板?我哋輕鬆幽默嘅教學風格對學習有絕對嘅幫助,而生動抵死嘅例子講解更加有助記憶,學生更容易入腦。



教學理念

 

 

你有冇諗過簡單嘅一句「Guten Tag」點解要係「Guten」而唔係就咁「Gut」?走去問坊間嘅德文老師,佢可能會同你講:「Das ist Deutsch!你記得係 Guten 就得啦!」而我初學德文嘅時候正正就係遇到咁嘅情況,成為咗我艱苦學德文之路嘅第一個里程碑。 

 

爲咗解決問題,我一路學,一路自己搵答案。我堅信,學德文除咗靠死記硬背同埋靠不斷對話之外,仲可以靠「理解」嚟學。當你成功理解德文背後嘅結構同埋系統之後,先會做到真正嘅「活學活用」。 

 

學德文,坊間嘅權威或者傳統教法,有啲似「蒙住眼過獨木橋」,未必照顧得晒香港人嘅需要,對於初學者嚟講,咁樣嘅方法可能反而係你哋學習嘅障礙。 

 

企喺山頂嘅人,或者的確係企得高、望得遠,但係佢哋未必知道喺山腳呢段充滿泥濘又崎嶇嘅路應該要點行先係最好。我覺得,每個人都有一個適合自己嘅學習方法,而對初學者嚟講,有一個設身處地了解佢哋難處,能夠用廣東話以最直接、最簡單嘅方法嚟講解嘅老師,或者會比「學術資歷優厚」嘅德國教授更加好。

 

歡迎有同感嘅你加入!