· 

【時代革命】回應返我呼籲停用「赤納粹」比喻所引起嘅疑問 

 

 

 

 

 

相關文章:【時代革命】請立刻停止使用「赤納粹」比喻 

 

我知道,呼籲停用『納粹』嘅講法,一定會引起爭議,不過我都照講,俾人插都咁話。 

有人話我唔回應,話我走住嚟屌,我自己無呢個意思,不過有營養嘅討論,要啲時間消化同寫咁解。 

我喺度希望可以再針對返回應我呼籲嘅意見,疑問,等大家明白我點解會咁講。 

 

最後,我唔想重演『機場道歉』嘅爭議,你地睇完我點講之後,自己決定用唔用『赤納粹』。兄弟爬山,各有各做。人係唔駛本的,但係落手落腳就唔係人人都做得到,如果完都覺得我係『維穩』,『五毛』,『左膠』,呢啲稱呼,我唔介意啃咗佢,你地屌得開心就可以。無所謂,我會喺德國呢邊繼續努力。 

 

 

停用『赤納粹』比喻 

 

首先,我想講一下提出呼籲嘅成個來龍去脈。 

六月,運動仲係叫『反送中』嘅時候,我以為最多淨係食下花生,但嗰時我就已經有諗,到底我可以做啲咩,可以幫到手。 

 

一開始,我係翻譯啲德文媒體咁大把,等香港人可以理解一下德國媒體點樣睇呢場喺香港發生嘅運動。之後,我喺機緣巧合嘅情況下,參與咗G20團隊三次登報嘅行動,第一次趕頭趕命,自己落咗ViSdP個名,之後嘅參與就越嚟越多。 

 

我嘅職責係幫手做德國登報行動嘅聯絡人,聯絡報館,而因為ViSdP焗住出咗嗰名,所以就做咗少量有披露自己身份G20團隊成員,咁反正我都黃咗囉,我就有接受德國傳媒嘅訪問,主要係想redirect返啲注意力,去啲我認為重要嘅議題度。因為呢幾次登報行動,所以我自己關注多咗德國媒體,同好多記者都有聯絡,開始想知道德國呢邊點討論呢個議題。 

 

依家,我已經將成個Vision放咗喺嚟緊嘅三年度。如果大家有跟開我寫嘅嘢,知道我嚟緊會搞一個e.V.,幫返呢邊香港人手先,亦都打算做一個行動上嘅轉型,不過呢個係後話,到時候我先同大家講。 

 

尤其係最後一次嘅登報計劃,我花咗好多時間落去睇德國嘅報導,都叫對德國人睇呢場運動嘅睇法,有少少了解,亦都有同身邊嘅德國人,傳媒人有討論,大家都係得一個目的,就係希望可以用某啲方法,令到德國可以有所行動,向香港同內地施壓(點做我嚟緊會講)。 

 

我一早就見到『納粹』呢字,其實唔多妥當,本來都想講下自己睇法。余杰本《納粹中國》,我無過,到底點比較,我唔清楚。但呢字喺香港流通,覺得唔會上到檯,我都認為無咩問題。 

 

 

德國人對「赤納粹」比喻嘅反應 

 

直到之前瑞士有報過一次『納粹』嘅比喻,雖然都係一句起兩句止,但之後就收到好多媒體人,德國人嘅『查詢』,想知道點解會有呢個比喻。地嘅疑惑,其實背後潛台詞就係:『台灣有學生玩過,內地有遊客玩過,估唔到連香港人都鐘意咁玩。』 

 

你想我點答 

我唔係讀歷史,唔係讀政治,但如果你想知道,點解部分德國人會咁唔鐘意比較,之前留言,有一個好好嘅比喻:『依家我見到有義士俾黑警射傷,我好傷心呀!直頭好似你上年老母生Cancer死咗嘅時候咁傷心,死老母咁傷心』 

 

如果你係死老母嘅嗰位朋友,仲會唔會話:『你嘅比喻真係好精闢呀!我好清楚理解到你係有幾傷心!支持你!』唔會,正常人都唔會。正常人都expect對話入面,每個人都會尊重悲痛嘅過去,盡量唔會提起呢一段歷史。 

 

用返同樣道理,你用呢比喻都唔係話唔得,但係你要用落一個Context度:『上年你傷心到喊到爆,唉,依家我終於體會到你舊年失去親人嘅痛苦,希望你可以安慰下我啦。』我絕對唔反對香港人攞黑警『曱甴』論嚟講,唔反對網上面對比Gestapo同黑警嘅圖片,呢啲有Context,局部嘅比較,係做到大家想做嘅效果:話人知,香港警察,中共,有幾邪惡。 

 

但係我嘅言論一出,好多人就認為:『叫人唔好用赤納粹,即係覺得中共唔夠邪惡,即係幫中共塗脂抹粉。』你要咁諗,我無辦法。我知道新疆維吾爾族,西藏發生緊事,中共七十年以來殘害過幾多中國人,我都算叫知道呢度有一個觀點我想提出:技術上比較納粹德國所做成嘅死亡人數,同中共殘害過嘅人頭,係無意思的。納粹德國所引起嘅係世界大戰,係實實在在嘅戰爭,係一場涉及幾十個國家嘅浩劫,成個歐洲,幾多個人係經歷過納粹德國所帶嚟嘅毀滅,對於歐洲人嚟講,納粹嘅歷史,唔係一啲可以用嚟隨意比較嘅題目 

 

講,唔係話新疆維吾爾族所受到嘅逼害『唔夠慘』,但係有無必要用呢種我上面講,所謂嘅『死老母』比喻嚟講呢?局部嚟講,你都可以講話中共搞『集中營』,但係推『赤納粹』,直接俾『中共=納粹』呢個信息出嚟,唔係人人都buy㗎! 

 

退後一步嚟講,就算你嘅比喻真係技術上十分吻合,但係,比喻精闢係無獎囉㗎。你硬係要比較,好似gphone,話香港係新柏林,當其時DDR都係監控人民,高壓統治,但最後週一示威間接導致政權倒台,比喻貼切得嚟最後結果又夠正面,呢啲比較,唔會得罪到人,咪可以放心做囉。 

 

你都係怕得罪人啫!怕你就唔講,唔通啲藍絲同共狗話唔鐘意乜乜物物,你又唔講啦喎!』我怕唔怕得罪,最重要個人對我有嚟講有幾重要。深藍講,做,對於爭取我地嘅目標,完全無關痛癢,我唔怕得罪。得罪人可以,但係真係要下有回報。 

 

十月TAZ登報,我同報館嘅廣告負責人聯絡,睇完我地寫嗰篇文,佢話:『你ViSdP名寫得清楚啲喎,到時我買蛋糕去探你監,都可以搵到你呀嘛。』兩個負責寫文嘅德國人,都幾次提醒我,要小心啲講法。尤其係八三一太子站傷亡人數同自殺案件掛,根本未有官方渠道確定,我自己過幾次,到底寫唔寫好,大我出ViSdP㗎,如果有啲咩喺德國嘅愛國同胞一個唔鐘意,話我散播不實言論,搵律師告我,我個名放得喺ViSdP後面,係我一個人啃㗎! 

 

但係我都要照講,係因為呢一個觀點,德國媒體真係無講,而我又覺得真係好重要,等啲德國嘅人道機構都可以關注八三一,Amnesty已經出咗報告,其他機構可唔可以添食呢?我唔知,但我講咗先,話我言論不實的話,就不妨去查證一下。惹火嘅言論,我唔怕講,最怕係講完之後,倒自己米咋。 

『有無問過德國人?德國人點睇赤納粹呢字?我認識嘅德國人(老公,朋友等等),佢地都好讚成用呢個比喻!網上啲人都鬧認字特警係Grammar Nazi啦!』 

 

我無可能代表所有德國人,呢樣嘢喺我之前寫嘅文入面,已經強調咗好多次。不過我照答:我有問過,人數唔少。而且當中係有人贊成用納粹嚟比較的。 

 

 

咁點解你都要反對用呢字? 

 

因為,每國家都有自己嘅框架,有一套政治語言,如果要爭奪話語權,唔係話大聲就得,而係要用呢套政治語言嚟講說話。 

 

睇返話唔介意講納粹嘅德國朋友,都係年紀比較輕嘅人,佢地同二戰近乎斷絕接觸(戰後第三代,最多聽下屋企爺爺嫲嫲講故仔嘅朋友),當然無咁敏感,對於香港中國嘅局勢又比較理解,所以都無咩所謂。但係依家政治體制入面嘅人,仲係戰後第二代,父母經歷過二戰,自己又有經歷過東西德,對於呢啲比較,自然敏感好多,唔識『政治語言』,都唔會入到個體制入面。媒體人就更加唔需要講,地講嘢就更加精準,清楚知道『政治語言』嘅重要性。你啲網絡上嘅例子俾我,有咩價值? 

 

你見德國啲政客有陣時好似成日講廢話咁,支持香港,好似講得好悶,得三幅皮,你以為特登㗎咩?廚師煮飯,識煮嘅,調味料唔會落得多,好多時候都係三幾樣,係點樣配搭組合煮得好食,先係有功架嘅地方。講『自由』,『民主』,『人權』,『反極權』呢啲嘢,啲德國人先容易入口,之後先可以一步一步咁帶落去講。你依家嚟就講『赤納粹』,呢個講法,真係成羹蝦醬咁撻落嚟,你就覺得好有鮮味,啲鬼佬聞到係覺得好腥㗎! 

 

有朋友有疑問,但係問得高汁,我想喺度提提:見到好多德國人都有用納粹嚟做比喻,比如話用嚟講AfD,而且有部分都有公開展示打咗交叉嘅Hakenkreuz,咁唔係代表呢個比較無問題咩? 

 

係,德國本土,都偶有納粹比較,但係左翼做,其實都會惹起反感。德國人左翼反AfD都係會扣Rechtsextremismus帽子,但其實分類上,地係Rechtspopulismus。呢係大路,放得上,用『政治語言』嘅鬧法。你話,Rechtsextremismus其實就係納粹啦。係,但係前者係政治語言,後者唔係,真係嘢嘢都講納粹,係極左先會咁做,而且你講到要去到NPD呢啲政黨,喺一個有限嘅框架入面,用納粹嚟鞭佢先叫安全。 

 

如果要德國政界聽到我地講嘢,就係要用呢套語言嚟講,你可能覺得好左膠,可能你覺得唔夠爆。你啱,係好左膠的。我仲記得上次BundestagswahlWahl-O-Mat,有一條問題,問話學校應唔應該用Holocaust嚟做Erinnerungskultur嘅核心。我一個香港人,唔需要有歷史包袱,咁梗係話唔需要再講啦。不過呢個位連AfD都唔敢呀!佢地夠右啦掛,但係都唔敢反呢樣嘢。 

 

你話我左膠,其實我唔係,不過事實擺在眼前:德國人係左膠人地唔左都唔會收難民,仲有香港黃台仰李東昇仲有劉霞艾神呀。成日話『共產黨最開心』,德國唔左膠橫行,唔肯收黃李,邊最開心呀?我左膠?我不知幾想德國人膠多兩錢呀 

 

去到呢個位,又有人講『德國,歐盟做過啲咩?地都無用!搵美國仲好!』我絕對認同大家話『自己香港自己救』,唔可以假手於人。但係你叫『納粹』,喺香港又可以起到咩作用?有人話留言話,我地係表達自己感受,唔係要德國認同同情。你直接認你地自己圍爐打飛機!如果我地香港人喺呢邊可以爭取到啲咩,一定係要落手落腳做,爭取媒體支持,改變返德國人對香港嘅認知,等政黨對香港支持增加(或者增加支持香港嘅政黨力量)。 

 

 

講好遙遠,等我幫大家溫返書先: 

 

EU Parl有做Resolution,雖然最後嘅結論係無約束力,不過起碼喺EU度落咗個定論先。最後係呼籲全部EU國家唔好賣武器香港警察呀 

動議呢ResolutionMEP,叫Reinhard Bütikofer,德國人,Grüne 

Margarete Bause,德國MPGrüne。去咗慕尼黑支持香港人嘅集會。曾經想跟代表團去中國,但被拒入境。有份逼德國政府披露中國安喺德國嘅活動,話俾全世界知道,中國係有情報人員監視呢邊嘅香港活躍人士,要求德國政府遞解呢啲人出境。 

 

Andreas Wolter,科隆市長,Grüne。接見過香港人,討論過點樣可以幫香港人例如話想過嚟旅行嘅義士),表明支持香港民主運動。 

 

Gyde JensenMP,德國人權事務委員會主席,FDP,做過聲明,表明支持香港示威者,並且提出,如果香港通過逃犯條例,必定要求德國修改同香港嘅引渡安排。 

 

Christian LindnerMPFDP大粒。本來對中國有過美好想像,但係自從去咗香港見咗民主派嘅人,再返大陸畀人噴之後,就開行復仇TurboFDP旗下青年人政治組織搞過聲援香港集會,鬧過默姨姨點解唔親自接見gphone,鬧過Siemens大佬Kaeser掛住做生意,連社會信用評級都唔理。 

 

Heiko Maas,德國AA MinisterSPD底。見過gphone,之後外交部真係開『吹風會』,SPD之後都反擊。 

 

當然,大CDU,呢真係一座難移嘅大山,無奈CDU真係最大粒,入面個個人都食中共條水,點會肯翻檯。 

 

你見到,Grüne個左膠政黨,可以做到幾多嘢? 

表,唔夠長,我地呢邊嘅香港人,做得幾多得幾多。一時三刻,我地改變唔到啲咩,只能夠喺德國左膠框架入面,步步為營咁前進。但係你地有無過,做呢樣嘢係幾難,係幾需要深耕細作?一粒老鼠屎,壞了一鍋粥,點解硬要講納粹,要冒呢個險呢 

 

大家可能習慣咗無民主嘅抗爭,但係喺德國,票唔係屌返嚟㗎。你唔做媒體唔做德國民意,唔放香港議題入去Bundestag點樣可以令德國『賀老母』呢?Bundestag夠人頭,『支助』中共幾十億,係可以考慮收皮先?我啱啱呢邊先收到E-Mail,有人想搵我分享一下,因為呢度附近有一個城堡,有中國買家準備買入,當地居民反對,但係唔知道點樣同人講佢地嘅擔憂。 

 

機場呀,公司呀,依家中國大手大手買,紅色資本流緊入嚟㗎啦,仲有華為5G呀,會唔會出個收購限制先?林鄭仔嚟讀哲學,有無Magnitsky俾佢嘆下呀?全部嘢,都係要用套政治語言嚟慢慢講,等德國政治主流變成反共先有得做。 

 

 

「比喻精闢」的代價 

 

你地叫『納粹』,比喻精闢啦,一語道破中共邪惡面目啦但係你破壞咗香港人喺德國大眾心目中嘅形象,turn off咗德國人對香港人嘅美好想像。就係幫地倒米,其他國家我唔敢講,德國一定係。 

 

共產黨最開心?用多幾次納粹呢比喻啦,邊開心呀? 

呢邊嘅香港人,花咗幾多時間搞登報,花咗幾多人力物力搞展覽,花咗幾多心機聯絡唔同嘅政治人物。依家我叫大家唔好用納粹』比較,費事倒米,你地啲淨係識圍爐打飛機嘅契弟,就話我玩膠,維穩,話我係五毛? 

 

如果我要批評的話,只能夠講,你地到個精闢獨到嘅比喻,圍爐打飛機,無話唔得,但係如果你地打到周圍都係,我踩到出句聲,你地諗一諗再屌,得唔得呢?我唔會話你地維穩,五毛,露底,但係你地真係唔好認為搵到個神來之筆,唔想你地用就要鬧,樣你地同啲盲毛有咩分別?鬧我嘅,我知道都係兄弟,但係各有各做,我話聲你知,諒解下我好唔好? 

 

當然,打飛機打到上腦,都未叫做係主流。最後,我針對返大家嘅疑問,俾多少少個人見解。 

加『反』,標誌上面打叉會唔會就可以? 

客觀上嚟講,一定會係好啲,但係爭議都係有。 

 

德國人都有拍過電影,納粹點會完全唔講得 

話唔講得,係睇你點講。所有藝術範疇嘅展示,都係例外。但係有例外唔代表呢標誌同講法就無爭議。 

 

 

我應該用字眼去形容中共? 

 

大把。極權,法西斯,暴政,獨裁,都得,唔好玩納粹就可以。 

攬炒巴就用『抗極權』取代『納粹』嚟做Rally嘅主題。攬炒巴點解唔用,有原因,我相信佢睇得通透過我。我覺得唔需要特登一個字嚟比喻。希特拉,納粹惡行,contextual嘅比較,無問題,但係唔好用一兩個單純而危險嘅字眼嚟套落去,否則又會做到『好似你死老母嗰時咁慘』嘅效果。 

 

要講嘅係咁多,睇完都仲要用赤納粹,歡迎。大家都係各有各做,有人要倒米,我都係要繼續做,無辦法。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

有嘢想講?可以喺下面留低你嘅意見。 

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

  

 

 

Write a comment

Comments: 0