· 

【德文學習】B1備試:德文學習思維及備試原則速覽

前言

B1對於好多學德文嘅人嚟講,都係好重要嘅一個關口。

 

首先,如果要入籍,攞長期居留,申請搵工簽證或者讀某啲大學課程,職業培訓,都需要起碼有B1嘅水平,無論早考遲考,嚟得德國生活就基本上一定要考。

 

再者,過來人身份,讀A1其實就係基本嘢,A2就多少少伸延(從建議學時可以見到),但係B1同B2嘅空間就拉開咗好多,要考好B1,就唔可以再用啲土炮方法「夾硬谷」上去。點解好多人讀B1,考B1會覺得好吃力?就係因爲理論基礎打得唔好。

 

呢個關口,好希望大家可以跨得過,喺我準備B1備試課程嘅過程,都要諗諗課程大綱應該係點,做咗好多筆記,喺度俾有興趣考德文試嘅朋友參考,希望大家考試成功,學習順利!

 

主動性 Aktivität:閱讀同聆聽,並唔係一個被動嘅過程,喺做閱讀,聆聽嘅時候,都必須要時刻主動進行語境比對,活化同進行其他相關嘅思考任務。

  • 你對之前學過嘅德文課堂主題,有無一個總覽?
  • 你可唔可以主動回憶起當中嘅語境同相關嘅內容?
  • 你喺閱讀同聆聽嘅時候,有無開啓到「作者視角」?

 

活化 Aktivierung:

接收到語言資訊之後,我地要喺腦海入面快速畫出一個「語言Mind map」,同自己提出唔同嘅針對性問題,將我地對主題嘅認識投射落呢一個Mind map入面,加速我地對呢個主題嘅掌握。

  • 你知唔知道一個「語言版」嘅Mind map要點畫出嚟?
  • 你知唔知道,邊一系列嘅問題可以俾你問返自己,令做活化嘅時候更徹底?

 

同義性 Synonymie:

  • 考試嘅時候,無論讀聽,題目同問題,甚至問題入面嘅選項之間,都甚少會用完全相同嘅字眼嚟寫/講。所以同義詞,同義句之類嘅掌握,對於破題有極重要嘅幫助。同樣地,寫作同說話嘅時候,評分入面都會有對「光譜」嘅要求。
  • 你知唔知道點樣將閱讀練習背後嘅評核理念抽取出嚟?
  • 你知唔知到有咩特別方法同網上工具,可以幫我地學好「同義性」?
  • 你對B1水平嘅「同義配對」有無一個總覽?例如Modalverben情態動詞嘅同義結構你識唔識?
  • 你知唔知點樣喺說話同寫作嘅考試入面,清楚展現你嘅「光譜」能力,從而得到更高分數?

 

填空 Ausfüllung:

面對大量唔認識嘅生字,我地應該點應對?

《非語言學認知,屬考試技巧,在此從略》

 

落錨 Verankerung:

點樣喺閱讀同聆聽嘅時候「落錨」,令到閱讀嘅速度同聆聽嘅捕捉率可以大大提高?

《非語言學認知,屬考試技巧,在此從略》

 

概念關係Begriffsbeziehung:

閱讀或者聆聽嘅過程,其實好多時候都要求讀者根據語言內容,理解一啲概念,或者重建返一啲邏輯嘅關係。如果你認爲自己語言能力唔夠好,理解唔到德文佢想講咩,咁可能就應該從僅有嘅資訊,用返自己嘅邏輯思維能力,去建構返作者嘅思想,咁就可以比較容易咁逆向印證返作者寫嘅文字。

  • 你知唔知有邊啲普遍嘅概念關係,考試成日會用到?
  • 你知唔知點樣「逆向」從考題反推返問題可能會問嘅嘢?

 

用途Gebrauch:

語言嘅應用,就算講嘅嘢意思一樣都好,其實都有好多字眼,例如淨係講「食」呢個動作,都可以講「攝入」,「進餐」,「隊」,呢度就代表咗學術,高雅,粗鄙嘅講法。所以認識啲字嘅Gebrauch,就可以幫大家好快咁分辨感情上嘅大方向。

  • 你知唔知道德文有大概有幾多個我地要注意嘅用途?
  • 你知唔知道可以用咩工具幫我地去學?
  • 你知唔知閱讀其中一部分其實淨係考你對某啲字嘅用途嘅掌握?

 

專注力分配:

聆聽成日聽漏嘢,可以點樣改善?

《非語言學認知,屬考試技巧,在此從略》

 

留意提示用字:

聆聽對話入面,成日有啲字會「提示」答案嘅出現,你有無學好?

《非語言學認知,屬考試技巧,在此從略》

 

傳訊意圖 Mitteilungsabsicht及語言功能Sprachfunktionen:

語言嘅目的,都係要同人溝通,畀人地知道你到底有咩意圖Absicht。所以表達嘅時候,必需要清楚知道自己嘅傳訊意圖,實踐返CEFR框架要求你有嘅語言功能。

  • 你表達嘅時候,有無諗過自己有咩傳訊意圖?
  • 要展示傳訊意圖的話,我地有咩分類,每個分類又有咩套件可以用?

 

套件:

德文叫Baustein,其實就係實踐語言功能嘅範本同「工具」,必需要進行適當訓練!

  • 你知唔知道有咩套件啱你用?
  • 你知唔知要記得幾多個?
  • 你知唔知有幾多個範疇嘅套件你要識?

 

語域 Register,禮貌Höflichkeit,格式Formatt:

日常生活我地會講「語氣」,有三個層次嘅元素組成,寫作的話,就一定要留意返禮拜,例子係準確運用Sie同du,而書信亦都有一定格式要依從。

《非語言學認知,屬考試技巧,在此從略》

 

評分準則Bewertungskriterien:

你有無睇考試嘅評分準則?你知唔知每一個準則嗰個「名詞」背後,代表咗啲咩?你知唔知有咩實際嘅操作係令到考官清楚知道你有能力攞分?

《非語言學認知,屬考試技巧,在此從略》

 

考官思維:

你知唔知考試評分嘅流程係點?考官點執行評分準則入面嘅指引?

《非語言學認知,屬考試技巧,在此從略》

Write a comment

Comments: 0