2021就嚟完結，係時候同過咗去嘅一年講聲Tschüs，陪伴我地多時嘅貓頭鷹亦都夠鐘振翅高飛，離開補習社啦！
講起貓頭鷹直播，可以話係一個完全「零指標」嘅嘗試，好似Google以前好出名嘅80/20 side projects，當初真係無啦啦想玩直播，想同各路有興趣學德文嘅朋友交流下，粗略準備下，諗都唔諗就開始播，竟然做咗超過七十集，一開始啲片睇返都真係覺得幾好笑下…
估唔到嘅係，我偶爾收到有人寫Message畀我，特登話畀我知佢地有睇貓頭鷹。最記得有一次我Live講過話「無人會返睇啲重播啦」，結果有人睇重播嘅時候，聽到我咁講，特登send個message話畀我知其實佢有追。部分同學仔都係睇完貓頭鷹之後，覺得我講解德文嘅模式幫到佢地，結果都有搵我上堂。
當然，我做Live嘅時候，對自己都有要求，希望聲音、畫面、互動、解說都可以做得好，但係始終貓頭鷹都係一個好隨心嘅計劃，我一路都諗緊如果真係要一個禮拜做一次Live，到底應該做咩主題最幫到想學德文嘅朋友。
舊年，我同Holly都開咗A1嘅Course，真係要由零開始，我諗真係有心嘅都已經上咗堂，直播Recording真係唔會從頭到尾再睇，加上知道追住貓頭鷹嘅朋友，其實全部都有少少底…
所以，2022年，認真mode，就係要教好香港人學德文，所以貓頭鷹雖離我地而去，但貓頭鷹精神不滅，進化成「香港人深夜德文學堂」！
唔理你係處女級A0連德文字母都唔識嘅德文新手，定係想嚟問到我口啞啞嘅C2+博士級高手都絕對歡迎，只要你肯問（而且夠多人想知道答案），我就會毫無保留，解曬畀你聽！
有搵過我約一對一嘅同學仔，知道我已經無咩時間上一對一，而就算我真係搵到時間，收嘅價錢，亦足以嚇走唔少人😂執輸行頭慘過敗家！所以記住！2022年，逢星期一香港時間夜晚九點鐘，約定你！
另外，爲咗配合新嘅Live主題，我同兩位Team members亦都推出咗新嘅Subscription課程，會將直播內容放入去，亦都會定期update啲比較細嘅德文主題。唔買都過嚟睇睇啦喂！
之前登記咗貓頭鷹大家庭嘅朋友仔，相信之前已經收到E-Mail，可以免費睇住三個月先，之後仲有其他優惠陸續等緊你地。
咩話？無睇開貓頭鷹？唔緊要，新年畀個機會你重新出發，每個月兩嚿水（除開一個禮拜五十蚊都唔駛，就當你請我食個Tea咁大把），除咗可以睇到Subscription course之外，仲可以問問題，投票選出心水德文主題。
想等等？明嘅，年尾年頭可能大家都比較忙，未必有時間入Teachable，唔緊要，可以先喺呢度comment問問題，like數最多嘅幾條問題，我就會放上深夜學堂，到時候大家Live投票，決定我講咩題目先，而Like數越多，亦都表示你地對題目越重視，我亦都會用更多時間講解！
期待新一年喺深夜學堂見到大家！Guten Rutsch!
延伸閱讀：
此為石賈墨之原創文章，轉載前請事先徵求授權並註明出處 www.stegermatt.de
想知多啲有關課程嘅資料？即刻Click入嚟呢到睇下啦！
歡迎隨時聯絡我了解更多
WhatsApp: +4917695274920
Signal: +4917695274920
Telegram: @Stegermatt
Write a comment