時事議題 · 21.10.2019

【德國戰線】維穩的距離 - 德國商界分分鐘紅過東方紅

無論我幾咁希望德國可以出手，亦會盡我全力繼續令德國人關注香港，短時間內，真係唔可以對德國有幻想。

尤其係一涉及商業利益嘅項目，政治勢力一定會向中國靠攏。

睇睇Siemens，Daimler之類公司講嘅嘢，根本就唔係人話。尤其係西門子老闆講嘅嘢，係舔共舔到連好多德國人都頂唔順。

用唔用華爲5G技術呢個問題，涉及德國好多網路營運商嘅利益。好多報導已經講過，唔排除華爲呢個決定，德國政府最高層都有份話事。德國人除咗天真，仲有爲短期利益而放棄國家安全嘅政棍。

大家可能已經見到黃台仰寫嘅呢一篇文章，入面嘅觀點，十分符合德國輿論嘅方向，可見佢對德國成個政治氣候係有深入嘅觀察。

黃台仰喺die Zeit嘅文章：

唔識德文，可以睇英文版本：

所謂識睇一定睇留言，德國都有五毛。最多人支持嘅留言，就係例子。

好清楚係一個中國人留言，個名已經話埋畀你知。內容都係話中國被妖魔化，三十年來養活無數人，犯罪率低，人民生活水平提高等等等等。其實就係厲害了我的國嘅濃縮版。

好彩，留得言嘅，數目上大部分都反共，所以好清楚，德國大部分人都係理智，但係呢個留言區，展示咗一個事實：好多五毛雖然無論述能力，但係有能力推留言的。

原來，維穩嘅距離，係可以咁遠。