時事議題 · 15.09.2022

從2019到2020年之間的若水之夏，對於任何一個香港人來講，實在發生了太多太多的事情。 整個城市積聚已久的政治能量一次過大爆發，猶如把一塊巨石拋入表面平靜，但已充滿暗湧的湖水，激起萬重浪，也拍打到身在他鄉的每一個香港人，驅使我們盡自己所能，在異地加入抗爭。

時事議題 · 10.01.2021

無論是在香港政治討論中廣為人知的名字，例如前立法會議員許智峯，因宣誓風波而被DQ的梁頌恆；還是藉藉無名，曾經在街頭上奮勇抗爭的手足，例如被槍傷的抗爭者的女友「Aurora」也好，越來越多人在今時今日香港的政治環境下，選擇踏上流亡的旅途。早在國安法推出之時，大家已經可以預計到離開香港的人只會有多無少。

時事議題 · 02.12.2020

有幸能夠在眾新聞撰寫專欄，對於我來說真是一個難能可得的機會。除了每個月可以逼令自己稍稍停下來，思考一下自己對香港議題的研判，跟讀者分享自己的看法和感懷，也每每令我感受到香港政治淪亡速度之快，實在超乎想像。 這種感概，雖然在過去的文章已有提及，但每一次落筆之際，無力感總會再次浮現。

時事議題 · 14.10.2020

早前我收到由幾位流亡港人（包括身處德國的黃台仰）所成立的組織 「避風驛」的邀請，參加了一個於九月二十六日舉辦的網上分享會， 並作為嘉賓，為香港人講解一下德國的難民政策，以及有關德國生活的點滴。

時事議題 · 11.09.2020

少少背景：德國國會真正討論嘅地方，其實唔係國會嘅會議（例如英國），而係國會入面嘅委員會，通常推出咗一條法案之後，如果唔係緊急法案，好多時候都會撥返畀相應嘅委員會做內部討論，之後委員會就會畀出一個建議決定，先會交上大會做最後嘅決定。如果FDP真係好似Gyde Jensen咁講，會出馬格尼茲動議，首先佢作爲人權委員會嘅主席，肯定會對委員會嘅建議決定有好大影響力，我估計今次呢個動議，委員會應該會有共識通過。

時事議題 · 25.07.2020

其實每一次寫「逸議漫漫」嘅稿畀眾新聞，對於我嚟講都係一個挑戰。 首先，我好享受寫作。以前讀書嘅時候，曾經有段時間真係好想成爲作家，但係我知道寫作係好唔簡單嘅工作，我自己唔係啲咩政治評論員，唔想拋個空嘅書包出嚟，不過又好怕讀者覺得我淨係喺度風花雪月，睇完之後浪費人生。 所以我都好希望喺個人嘅德國生活角度出發之後，都會畀到讀者一啲實在少少嘅得著。做唔做到，我唔知道，但係起碼我會繼續堅持落去。

時事議題 · 15.07.2020

好多香港人睇國際事務，仍然走唔出一啲「人格」定型，經常要用一兩個簡單嘅形容詞同動機，去評價一個國家嘅行動。 例如話，德國就係「奶共」，「人民幣真香」。 首先，現今德國「奶共」係事實，就算我幾鍾意德國都好，都無意幫德國洗白。但係咁唔代表呢個係德國嘅「國格」，唔好用幾個對東方存在幻想嘅德國人去判定成個國家嘅人都係咁（你當然能夠話「東方幻想」係德國人對中國嘅觀感嘅因素之一）。 而香的話，唔係淨係人民幣香的，美金也香，歐盟入面其他國家印出嚟嘅歐元都一樣咁香。

時事議題 · 26.06.2020

其實呢，坦白講，自己喺德國做嘅嘢，有幾有用，我唔係唔知。但係有時候人做一樣嘢，唔係淨係睇有無用而做。 投身德國線之後，媒體，記者或者其他學者訪問我，都會問呢個問題：「點解？」標準答案我會講話係「Hilflosigkeit」。 無助。 不過除咗負面嘅情緒會驅動我做嘢之外，更加多嘅係正面嘅情緒。容許我講兩個故仔畀大家聽：

時事議題 · 08.06.2020

因為中共強推國安法，所以香港的政局又再翻起風雲。這幾個星期，國際間對香港的關注，雖然未有重回去年反送中運動的最高峰，但國際媒體對香港的報導，壓逼感極重，德語媒體也經常用到「終結」（Ende）這個字眼，「攬炒」之勢一發不可收拾。全部媒體都形容港版國安法，如果繞過香港本身已經不完全民主的立法會，以強行加入《基本法》附件的形式在香港推行，這個曾經令世界引以為傲的自由橋頭堡，將會被宣告死亡。

時事議題 · 10.04.2020

假設，德國的疫情失控，極度惡化，甚至比武漢更差，港府會否出動專機從德國撤僑？如果會，你又會不會接受這個撤僑的安排？ 這條近乎「幻想式」的問題出現在「香港人在德國」的Facebook群組內，立刻引來極大的反響。毫不意外，大部分香港人都不接受返回香港的安排。原因有很多，不過醉翁之意不在酒，實在不必深究；這條問題的真正意義，是折射出一個香港人如何在德國安身立命的議題。