· 

【德國戰線】維穩的距離 - 德國商界分分鐘紅過東方紅 

 

 

 

 

 

無論我幾希望德國可以出手,亦會盡我全力繼續令德國人關注香港,短時間內,真係唔可以對德國有幻想。 

 

尤其係涉及商業利益嘅項目,政治勢力一定會向中國靠攏。 

睇睇SiemensDaimler之類公司講嘅嘢,根本就唔係人話。尤其係西門子老闆講嘅嘢,係舔共舔到連好多德國人都頂唔順。 

 

唔用華5G技術呢個問題,涉及德國好多網路營運商嘅利益。好多報導已經講過,唔排除華爲呢個決定,德國政府最高層都有份話事。德國人除咗天真,仲有爲短期利益而放棄國家安全嘅政棍。 

 

大家可能已經見到黃台仰寫嘅呢一篇文章,入面嘅觀點,十分符合德國輿論嘅方向,可見佢對德國成個政治氣候係有深入嘅觀察。 

 

台仰喺die Zeit嘅文章: 

唔識德文,可以英文版本: 

 

所謂識一定留言,德國都有五毛。最多人支持嘅留言,就係例子。 

好清楚係一個中國人留言,名已經話埋你知。內容都係話中國被妖魔化,三十年來養活無數人,犯罪率低,人民生活水平提高等等等等其實就係厲害了我的國嘅濃縮版。 

 

No photo description available. 

 

 

好彩留得言嘅,數目上大部分都反共,所以好清楚,德國大部分人都係理智,但係呢個留言區,展示咗一個事實:好多五毛雖然無論述能力,但係有能力推留言的。 

 

原來,維穩嘅距離,係可以咁遠。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處