· 

【石賈墨】等我試下用三年轉換軌道 

 

 

May be an image of 1 person and smiling 

二零一七年初,我正式開始咗教德文嘅生涯。一路以嚟,都用遙距教學嘅形式嚟教。直到舊年返香港,先有機會開「真人班」,可以面對面咁教,感覺真係唔同啲,真係教得好開心,呢張相,係個課程Recordingcap出嚟的。本來以爲因爲住喺德國呢個限制,我呢世人都唔可能開真人班,結果兜兜轉轉,竟然都有機會可以做到。 

 

 

你可能會問,投身運動,無論幾勇武都好,始終都要食飯,搵唔到食,我點樣可以維持我嘅生計呢? 

 

係呀,事業真係好重要。放棄咗穩定嘅工作同收入,生活嘅壓力的確會多咗,作爲一家之主,我仍然要負起養家嘅責任。德國法定退休年齡係六十七歲,即係話,如果我健康康順順利我仲要諗嚟緊三十七年我要用咩形式養妻活兒。 

 

三十七年太遠啦,我唔知道可以點講不如講下嚟緊三年我有咩目標啦! 

嚟緊三年,我最終極嘅目標,係喺德國設立一間蚊型嘅實體德文補習社。 

係蚊型就夠,一年可以開到十班八班,請到一個半個手足,有足夠口嘅盈利,可以健康咁發展落去嘅基礎,我就已經好滿意。 

 

識得我嘅人,都知道我係德國教邪教教主,好鍾意德國。不過,好多人雖然想嚟德國生活,或者係有機會,甚至有條件移民德國,始終都認爲德文好難學得好,同埋德國呢個國度,好似好遙遠好陌生,要嚟生活,好似無從入手咁。 

 

一個短期親身體驗德國生活,學好德文嘅機會,對於好多人嚟講,可能係第一步。萬事起頭難,如果我可以分享過去十年德國生活嘅經驗,學德文嘅心得,我好樂意咁做。德國人成日都講Integration字,其實融入德國生活,無你想像中難,如果有人到一個所謂嘅Kochrezept你,你肯畀心機,一步一步照住嚟煮,雖然煮起上嚟,都會煮到滿頭大汗,但係唔會話煲燶粥的。 

 

其實Vision係希望可以一頁一頁樣寫好個Kochrezept出嚟,幫到香港人融入德國嘅生活。呢理想,的確係好遙遠,不過我覺得千里之行始於足下,只要方向係啱的話,就要一步一步咁走落去。 

 

下一次我會講下,我會用形式去一步一步達到我嘅目標,同埋我會用咩形式嚟教德文。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

想知多啲有關課程嘅資料?即刻Click入嚟呢到睇下啦  

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

 

 

Write a comment

Comments: 0