· 

【德國登報】撤回之後,真正嘅戰爭先開始 

 

 

 

圖片來源:立場新聞 

 

 

我本來唔信,睇到有人話FAZ都有賣政府份廣告之後,我放飯即刻去買份嚟睇。咗三間油站都搵唔到。最後我買咗Tagespass... 

 

見到份廣告之後,我唔知好嬲定好笑。 

我唔知香港政府係真係蠢到嘅地步,政府入面決定要全球登廣告嘅人,個腦真係裝咗屎,仲要係滿溢到我自己都覺得慘不忍睹嘅程度。點解我咁講? 

 

 

無民眾支持 

 

眾籌登報,重點係『眾籌』,二萬二千香港市民真金白銀,唔夠一日籌得六百七十幾萬,呢個就係香港人對民主嘅體現同支持。你係咁巴閉成日話大部分香港市民支持警察執法,叫啲建制派搞返個眾籌,鼓勵啲藍絲陣型嘅朋友課金登報囉!你依家堂堂一個政府攞舊錢出嚟登報,呢啲叫Propaganda,睇得報紙啲有識之士,一眼就睇得出,明顯只會有反效果,話你香港政府想粉飾太平。 

 

 

小學雞 

 

登仔眾籌登報之舉,政府竟然跟你再大你。足見民間智慧一向都係領先政府你幾個馬位。依家你竟然低莊到做連登仔跟尾狗,只會令人恥笑你。一個政府,官方地用公去外國報紙度幫自己政權賣廣告,明顯係小學雞之舉,想要報仇,『你登得,我都登得呀,吹!』顯得氣急敗壞之餘,高導演,見到勾結外國勢力嘅證據啦!唔差在,學就學足啲,不如你用埋納稅人嘅錢,搞埋個全球登報展覽呀笨! 

 

 

設計柒到喊 

 

政府作為壓逼人民嘅政權,你有咩可以講啫?你份廣告可以有Legitimation?我地可以為自由吶喊,為警暴抱不平,我地一句『Hongkong fällt』爆炸性填咗版面嘅三分一,一句帶出香港人嘅訴求,德國人一睇就明。唔同政府唔通你可以寫『Hongkong fällt nicht』?無嘢講,標題大大隻字寫香港,加個區徽,加個維港做背景。唔知我仲以為你唔小心印咗啲新移民資料小冊子嘅封面落咗報紙度,隔住個Mon都隱約聞到你嗰種七十幾歲阿婆搽到全身都係嘅白花油味呀!你覺得真係會有『宣傳』嘅效果?好心係做設計嗰個,知道根本做唔到,咪白紙黑紙,好似啲訃聞咁,講下政府立場咪蒜狗掃把囉。 

 

我其實都唔忍心鬧啦,一個腦部充滿住糞便嘅決策者,人生都肯定唔會好過。但係呢登報計劃,一定可以成為關公災難嘅黃金例子。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

有嘢想講?可以喺下面留低你嘅意見。 

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

    

Write a comment

Comments: 0