· 

【德國工作點滴】每月之星洗乜等月尾,月頭就發功啦! 

 

May be an image of 1 person 

 

 

『哈佬喎,本月月曆女郎!』中午放飯,大老闆離遠見到我,就已經潤我。 

我做嘢間公司其實唔算好大,一百個人多少少,根據歐盟個講法,係介乎於『中』同『小』之間嘅中小企。德國中小企都出名多,唔入大公司,人工,福利係無好,但係細公司有細公司好,就係架構夠扁平,無一個坐喺二十八樓你唔知道係咩人嘅大老細。 

 

今朝返到公司,周圍都見到自己chok樣,確實有少少唔自在』個個部門都有掛日曆,到咗十二月,就到我呢個每月之星出場。 

如果你下我公司網站,有兩點我覺得值得分享一下。 

 

最值得講嘅一定係我搵工嘅時候,公司係未確實有一個位,我係自薦嘅(即係所謂嘅Initiativbewebung)。 

第二樣嘢係你發現我踩舊公司嘅內容其實係好隱晦咁出咗嚟——我畢業之後,轉過兩份工,先搵到我呢份做得好開心嘅工。 

 

自薦成功,其實唔係代表仔,喺度沾沾,而係代表我面皮夠厚見工嘅時候,我係兵行險著,做咗一個好出位嘅舉動,之後先知道原來呢個係其中一個我受聘嘅原因——由於實在太危險,家庭觀眾切勿模仿,得閒我再同大家分享。 

 

May be an image of 1 person 

 

 

另外,其實我唔想唱我『前度』,但係工,有陣時好似搵老婆,唔啱的話,真係要及早走人。 

本來,德國人對於轉工呢樣嘢,比起香港人敏感得多,德國人睇你CV,見你轉工轉得多,覺得你『坐唔定』,細公司請人係重大投資,怕請完你無耐又走人。 

 

雖然我知道呢事實,但係好彩我都無因此限制咗自己搵新工,結果終於俾我搵到份好工——都話唔係人工高福利好囉,而係有時星期一你會想返公司嗰種。 

 

唔信?等我一月尾再同講點解。到時我返香港放Elternzeit放足三個月,一定會抽時間出嚟講返曬我所有一路好想講俾大家聽嘅故仔。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

想知多啲有關課程嘅資料?即刻Click入嚟呢到睇下啦  

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

  

 

Write a comment

Comments: 0