· 

【德文考試】何謂瘋狂?救Grade 150小時! 

 

 

No photo description available. 

 

 

// 傳送門:我十分珍重的十二Review https://www.facebook.com/StegermattsNachhilfeSer.../reviews/ // 

 

早兩個禮拜,我教德文嘅經歷,添上咗好精彩嘅一筆。 

我破咗自己嘅『最長連續補習』記錄——毫無間斷咁講咗超過三個半鐘書。 

三個半鐘。 

 

 

「最長連續補習」記錄 

 

你可能唔覺得有幾長,比個標準你:正常嚟講,一堂係上個半鐘。而一對的話,對於我嚟講,都幾辛苦,因爲要保持九十分鐘高度集中,即時回應學生嘅問題,刹那之間就要諗清楚要講咩。但其實最辛苦嘅係學生,經歷個半鐘嘅連續轟炸,學生個腦都必定會處於『超飽和狀態』。 

下,將呢個個半鐘嘅課堂,乘二,再加多半個鐘落去,其實祇能夠用『癡線』嚟形容。 

 

上完嗰三個半鐘之後,一方面我嘅喉嚨同身體都係處於筋疲力盡嘅狀態,但係另一方面,我都好開心,好滿足,因為呢個課堂,喚起咗我四五年前嘅回憶。當時第一次粗粗教人德文,其實就係教一個都係嚟Mannheim讀書嘅師弟。其實我當初同講話我可以幫補德文,都係一個幾線嘅決定:嚟我當時德文個底都仲未好穩陣,叫做有啲心得咁解,二嚟當時佢都係話想快啲打好個底,所以都係成個禮拜,日日踩單車嚟俾我補。 

 

線還線,補完第一次之後,覺得其實幾正,返唔到轉頭,斷斷續續私人教咗幾年,舊年就索性真係搞個網上補習社,竟然都收到一班學生。自此之後,遇到有急切需要,學德文學到灰機,但仍然有學德文熱誠嘅學生,可以的話,我會陪佢癲。 

 

 

事源 

 

早兩個禮拜,我收到Katie嘅報名表。内容唔多,重點係:兩個禮拜之後要重考B1『重』字令到我好好奇。所以我即刻打電話俾佢,同傾。原來因爲今年八月要去德國交換,而條件係要考到B1,否則無得申請學校,然後成個degree就要postpone一年佢咁講,聽得出情況係幾嚴峻,言語之間已經滲透咗一種焦急同不安。 

 

佢傾完電話之後,尤其係知道重考嘅檔期,係大約兩個禮拜之後。我真係有少少保留,本來我依家都唔多教一對一,因為自己其實已經有好多班小組班,加上依家起緊屋,其實真係無空閒時間淨落嚟可以攝堂落去。而且我之前又無話真係好專業分析過點樣應付B1嘅考試,喺咁短嘅時間之內要做到一個效果出嚟,真係唔容易,否則學生花咗錢,花咗心機時間,仲付托埋一個希望俾我,最後我deliver唔到一個成績出嚟,咁就寧願唔補好過補。 

 

咗一陣,幫唔幫佢補好。不過好快我就無繼續原因係,四五年前嘅回憶,又喺呢個時候彈咗出嚟。 

 

 

補啦,依家已經毫無懸念 

 

決定咗之後,就唔好講咁多嘢,嗱嗱聲上Amazon速遞兩份備試材料同一份模擬試題集返嚟。收到之後,即刻刨一刨,睇睇B1考試到底係料。而為咗上堂都可以用埋啲教材,放入筆記度同學生傾,我直頭將呢幾本價值超過六百蚊港子,新簇簇嘅教材剪開曬,再Scan埋。 

 

以前我都係愛書之人,連用鉛筆畫花啲書都唔太捨得,但係呢幾年我已經改咗呢個習慣啦無計,跟得德國人多,都講form follows function,買一本書返嚟,要嚟用就係要嚟用,剪都係咁話。 

 

啱啱先Scan完,Katie通知我,話下一個考試檔期,係下個禮拜,無其他可能性。,都要有個限度掛我甚至叫佢睇睇臺北有無檔期,叫報定名。 

六日呀!一個禮拜之前你仲唔合格,一個禮拜之後你要變做合格,談何容易?就算你要追嘅分數唔多,要提升,都唔係一時三刻嘅事啦。 

 

 

Grade 150小時 

 

本來我仲話,隔日補已經好密,每堂短短地,可能就夠啦。知道呢『一百五十小時』消息之後,我就知,就算我幾瘋狂補,都唔會夠喉 

線,我鐘意。即刻推嗰六日全部可以推嘅Termin,取而代之,上堂!嗰個星期六,我就破咗三個半鐘呢個紀錄。 

 

呢六日,雖然辛苦,但係真係『好好玩』。一方面我自己都要溫溫書,一方面我又要諗諗點樣喺唔摧毀一個人大腦嘅情況下,將所有我覺得B1考試最重要嘅重點,用最有效,最濃縮嘅方法,注入佢腦海之中;解答問題,無時間去慢慢磨,但都唔可以有任何保留,唔可以俾佢帶住疑惑去考試,一定要一針見血;而且準備一個重要嘅考試,係人都有壓力,上堂時間又長,你無可能用沉悶嘅方式講書,一定要同佢一齊共同進退,提醒佢多啲休息,保持最佳狀態應試,用你對德文嘅Begeisterung鼓勵佢繼續努力。 

 

六日過去,考試終於來臨。不過最重要嘅都係一個禮拜之後嘅結果。 

『合格』。 

 

收到Katie Message嗰下,滿足感涌出嚟嗰下,開心。 

 

真係好開心,信我,我真係好開心。唔好肉麻,話非筆墨所能形容,呢種開心,係一個集合咗滿足感,驕傲,釋懷,戥佢高興嘅一種感覺。 

寫嘅Review,我好清楚,教德文呢個選擇,真係無錯。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

想知多啲有關課程嘅資料?即刻Click入嚟睇下  

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

 

 

Write a comment

Comments: 0