學習德語 · 02.01.2019

你可能覺得我好變態，但係我記得當初考完TestDaF之後，即刻買咗本講C2考試嘅書返嚟睇。係考完之後嗰日已經開始睇C2嘅書——我老婆話：你閉關咗兩個禮拜，依家考完試，竟然仲有心情睇書？其實考完試，德文水平係處於一個小巔峰嘅狀態，唔好浪費，一於食住上。我TestDaF Lesen係好彩有5的，然後我做C2份Lesen，係僅僅合格，咁我心裡面起碼有個譜，原來C1同C2真係可以差咁遠。

學習德語 · 28.03.2018

早兩個禮拜，我教德文嘅經歷，添上咗好精彩嘅一筆。 我破咗自己嘅『最長連續補習』記錄——毫無間斷咁講咗超過三個半鐘書。 三個半鐘。 你可能唔覺得有幾長，比個標準你：正常嚟講，一堂係上個半鐘。而一對一的話，對於我嚟講，都幾辛苦，因爲要保持九十分鐘高度集中，即時回應學生嘅問題，刹那之間就要諗清楚要講咩。但其實最辛苦嘅係學生，經歷個半鐘嘅連續轟炸，學生個腦都必定會處於『超飽和狀態』。

學習德語 · 28.02.2018

我對於『免費攞咗先』呢個做法唔係十分之理解，但係你考慮得考DSE德文，本身嘅德文水平一定唔會差（劇透：依家已經可以同你講定，你無B1，入去考真係純粹浪費人生寶貴嘅光陰），而準備考試嘅過程，都一定係促進自己學習德文嘅機會，而呢樣嘢，不管你嘅動機如何，我都一定鼓勵嘅。   我喺度想俾一個框架大家，假如大家真係想考DSE德文，有咩應該知道。

學習德語 · 12.12.2016

開啓這個德文學習血淚史的因由，都是因爲考過了C2，覺得完成了『主動學習德文』這個任務，可以總結一下自己的經歷。連載已經來到第十篇，都沒有重新講一講第一篇所提及的考試。 考試之後，大概要等兩個到三個禮拜，才會從郵遞方式取得證書。打開信封的一刻真是十分滿足，因爲除了閲讀略差之外（意想不到），其他考卷的分數都很不錯。 今個星期，希望圍繞這個考試，說一下準備的方法，考試情況和感想。