· 

【香港時事】眾新聞專欄節錄:紀念,因為我們渴望如水再聚

 

傳送門:https://bit.ly/Cnews612

 

六一二都已經過咗成個月,呢篇文亦都寫起咗好耐,但係因爲蘋果日報嘅離開,我自己就花咗好多時間,不斷咁反思自己嘅寫作。

 

我識有好多去咗外國嘅香港人,平常每日都會睇半個鐘蘋果,可以話係用嚟「送早餐」。蘋果離開,首先唔好講話傷唔傷心,佢哋係話「唔習慣」,「空虛」。對於好多人嚟講,蘋果係生活嘅一部分。

 

老實講,你話我對蘋果係咪有咁深厚嘅感情,話有係呃你:依家仲有邊個後生仔會睇報紙?蘋果又係唔係篇篇報導都完美無瑕?但係我諗好老土講句:到失去咗先會珍惜以往嘅好。香港依家對比以往嘅光景,用人嚟做比喻的話,其實已經係病入膏肓,氣若游絲嘅地步。偏偏喺呢一個時刻,連可以出聲講嘢嘅機會都失去埋。

 

明明我哋知道,有咩想講,好多時候蘋果會幫我哋講,依家講不出聲嗰種鬱悶,我覺得好多人都會覺得好難頂。

但,我發現寫作嘅時候,竟然可以宣泄呢種鬱悶。

唔多,但少少都好,係有的。

 

咁寫作唔係淨係用嚟宣泄自己嘅情緒嘅,但係論觀點,我未必可以好似專業評論員咁創新;論深度,我又無學者嘅水平;講文筆,我自己又唔係作家,我有時候不斷喺度諗,到底我應該要點寫,先會畀到自己,畀到讀者少少價值呢?

 

我好怕人哋睇完我寫嘅嘢之後,覺得浪費咗人生嘅十分鐘。

寫咗咁多篇,我到依家都仍然係好無安全感,寫嘅時候都係對自己嘅文字好有批判性,到交稿嘅一刻,都係覺得自己寫得好差。

 

我諗返起以前,無呢種批判性思想嘅時候,寫咩寫得最有自信。

其實都係講故嘅時候。

所以我諗我會講多啲故仔。

 

文章節錄:

//正如我在講述思鄉之情的時候,也提出過,對家鄉的思念,會依隨時間的流逝而會漸漸演化成另一種無奈,年復一年,浮現在腦海中家鄉的畫面雖然不變,但感受卻次次不同。

同樣道理,下一年,兩年三年,甚至五年十年之後,重看金鐘人山人海催淚彈橫飛的畫面,中信大廈門前幾近人踩人的險象,我們哀愁有幾,痛心有幾,並未可知。但抽出時間回望這些畫面,喚起這些記憶,就如打開一瓶老酒,當初結成的葡萄又酸又苦,但當「醞釀成紅酒」 ,味道已經不同,深深喝一口,「仍可一醉自救」。//

 

 

本文未完,完整文章請參閱: 

眾新聞 - 612兩年誌:紀念,因為我們渴望如水再聚 

 

 

延伸閱讀:  

德國戰線】眾新聞專欄節錄:開展德國戰線(一 

【香港時事】眾新聞專欄節錄:後國安法時代有感 

國際戰線】眾新聞專欄節錄:回應練乙錚先生對海外翼的評價(一 

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

有嘢想講?可以喺下面留低你嘅意見。 

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

 

 

 

Write a comment

Comments: 0