時事議題 · 16.05.2020

唔講廢話，我諗正常香港人都已經知道，極權老早就已經想剷除所有教育系統入面令學生有獨立思考能力嘅元素。今次教育局出手干預考評局運作，只不過係比較難睇，相信往後陸續有嚟。 建制中人，讀屎片多，普遍對於德國嘅認識唔深，但係好鍾意用德國一啲片面嘅資料嚟做比較。例子有港警自比猶太人，引嚟德國領事館批評，或者葉劉都講過「德國都無公民提名」。今次風波，我留意到「建制國師」CY出動，話德國歷史科公開考試，會唔會出現「『1941 - 1945年間，納粹為猶太人帶來的利多於弊。』你是否同意此說？」呢個試題。