· 

【香港時事】德國公開考試,就不能講納粹的「優點」? 

 

 

 

 

 

唔講廢話,我正常香港人都已經知道,極權老早就已經想剷除所有教育系統入面令學生有獨立思考能力嘅元素。今次教育局出手干預考評局運作,只不過係比較難,相信往後陸續有嚟。 

 

建制中人,讀屎片多,普遍對於德國嘅認識唔深,但係好鍾意用德國一啲片面嘅資料嚟做比較。例子有港警自比猶太人,引嚟德國領事館批評,或者葉劉都講過「德國都無公民提名」。今次風波,我留意到「建制國師CY出動,話德國歷史科公開考試,會唔會出現「『1941 - 1945年間,納粹為猶太人帶來的利多於弊。』你是否同意此說?」呢試題。 

 

 

 

 

我都幾肯定同你講,唔會。如果你寫到詳細啦,都你貼中,我都可以超越「燒完」嘅凍檸茶。 

 

德國考試係真係唔可以講納粹嘅優點?大家都知道我講納粹呢啲題目,一向好小心,寧願講少個比喻,都唔好得罪啲所謂左膠德國人。你話我懦弱也好,我認。但係其實德國人又無左膠到咁嘅地步。返網上嘅Abitur舊試題(類似德國版A-LevelDSE啦),好多時候都有有關納粹嘅試題,有啲位仲會「逼」啲學生,睇下講德國納粹政權嘅正面嘢 

 

竟然? 

 

舉例,Sachsen-Anhalt州份2010歷史科考試,第二條論題係講Anerkennung des NS-Regimes durch Modernität」就要啲考生參考Nobert Frei呢位德國有名嘅歷史學家嘅講法,去分析「納粹政權通過展現現代性而受當時嘅人民認同」。Nobert Frei呢位歷史學家,就算我無讀過德國歷史都好,都聽過佢個名,因爲佢都寫咗啲幾受輿論爭議,有關納粹歷史嘅書,都有中立咁講納粹喺二戰嘅時候嘅「經濟效率」,亦都有探討過「希特拉係德國人民推選出嚟,無希特拉德國都會犯下戰爭罪行」嘅講法。 

 

係呀,考試可以分析下納粹當時其實係幾摩登幾受人民認同希特拉上台嗰下,我睇過啲歷史書話周街德國人都狂呼相擁大喜而泣)。就算係納粹,都唔會「只有弊,唔會有任何利」。歷史學家講,唔代表納粹係好事,而係客觀討論歷史,情況都有正反可以討論,唔需要「民族理解」。 

 

再講,大陸唔係好鍾意講「多難興邦」?毛澤東多謝日本皇軍都唔計,你係毛澤東肚入面條蟲? 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram   

有嘢想講?可以喺下面留低你嘅意見。 

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

  

Write a comment

Comments: 0