· 

【德國時事】巴符州選舉 - 我發現,呢幾日,我討厭政治… 

 

 

 

 

巴符州地區選舉預測出爐,綠黨GrünenKretschmann帶領下,肯定毫無懸念繼續成爲領導州政府嘅政黨。 

 

估唔到,十年前嘅政治局面,神推鬼㧬,竟然令到綠黨攻下第一個州長寶座,仲可以維持十年都仍然保持強勢,其實當中真係有好多估仔講。 

 

其實,我本來都想講下州選舉,同大家玩下Wahl-O-Mat 

不過,唉 

 

 

 

 

十年前,我記得啱啱嚟德國,香港當時仲講緊五區公投嘅爭議,當時仍然係林公公做官,你話係咸豐年前嘅事啦。 

 

其實嚟咗無耐,我就已經好羨慕德國人擁有嘅政治制度綠黨點解可以上到位?其中一個好重要嘅因素就係Stuttgart 21嘅爭議(當然仲有福島助攻)。我記得當時我老婆收到封信,原來係州政府Stuttgart 21搞公投,我望住張黃色嘅信封,心諗,如果香港嘅政治人物有咁醒就好囉! 

 

係呀,真係天真過阿嬌,當時高鐵同菜園村嘅問題,我係覺得香港嘅政治架構唔夠好同啲人嘅政治智慧唔夠高,先至解決唔到個爭議 

 

今日食晚飯嘅時候,我老婆講中午投票,話依家肺炎都好,組織得好順暢。 

就無謂講,不過我其實都無討論。唯一有講深入少少嘅係政黨對教育系統改革嘅睇法,因爲呢樣嘢真係好影響小朋友將來。 

 

德國一向都有中學分流嘅做法(RealschuleHauptschule, Gymnasium),類似香港分Band,但係依家越嚟越多人挑戰呢種分流嘅方式,提倡用綜合學校Gesamtschule去取代曬全部嘅中學。 

 

我又唔講邊樣嘢好邊樣嘢唔好啦,要講又可以講一大篇。 

雖然我話無同佢討論,但唔好誤會,我地其實會傾政治的,亦都清楚大家嘅政治取向,問題係,我發覺我依家真係想講句「我討厭政治」。 

 

係,雖然唔理性,但係我真係討厭咗德國政治可能誇張咗,或者咁講,有時候有心機,抽離得到嘅時候,可以講,但個人無咩心機,抽離唔到,就唔想睇呢邊啲政治討論。 

 

望住香港人有47個人,都未真係選,淨係因爲搞個初選就要受牢獄之災;人大投一次票就可以「優化」香港選舉制度;望住自己個Inbox一路都出現問德國移民諮詢嘅Message…老實講,我真係唔想諗投票呢樣嘢。 

 

投票呢樣嘢,對於香港人嚟講,即將會係幾咁遙遠?呢邊嘅人講緊嘅係唔知投邊個政黨好,懶係討論到好有火花要投呢個政黨嗰個政黨。 

 

星期三約咗黃台仰,搞一個Live對話,之前同黃台仰傾嘅時候,就係話想講佢喺如水寫嘅文,主題就係講家園。講來未來嗰部分,其實就真係會諗到底香港人,真係可以無拘無束咁自由投票嘅一日,幾時會來臨? 

 

我知呢一日點都會嚟,但我諗唔到幾時。 

,一日未到,都會偶爾想講一聲「我討厭(德國)政治」。 

 

 

延伸閱讀:  

  

  

此為石賈墨之原創文章,轉載前請事先徵求授權並註明出處 www.stegermatt.de  

  

  

想緊貼我嘅最新動態?即刻Follow我嘅FacebookInstagram  

想知多啲有關課程嘅資料?即刻Click入嚟呢到睇下啦  

有嘢想講?可以喺下面留低你嘅意見。 

  

歡迎隨時聯絡我了解更多  

WhatsApp:  +4917695274920  

Signal: +4917695274920  

Telegram: @Stegermatt  

Write a comment

Comments: 0