· 

【柏林之旅有感(二)】:「初心」?GRIIP?

「初心」

 

你仲記唔記得呢個字?

 

毋忘初心,可能已經好耐無再講呢四個字。

 

事實係,好多人都選擇咗忘記。

 

係,我會話係「選擇」,因爲時間一長,遇上困難,就自然想放棄。

 

我知道堅持係辛苦,所以就更加需要提醒自己,到底「初心」係咩,否則有時候真係好難捱

 

「黑森林」

話說,2020年,我有推出過一個「黑森林課程」,搵到幾個志同道合嘅朋友,搞咗一個爲期兩個禮拜嘅「極密集課程」。

 

屌,就係因爲武肺,到咗夠鐘出發嘅時候,病毒大爆炸,當時嚟德國嘅隔離時間,好似係十四日。

 

其實已經有人訂埋機票,無辦法,都要取消,唔通嚟德國隔離十四日,然後即刻飛返香港再隔離三個禮拜咩?

 

此路不通,咁我就繼續教香港人德文。

 

「說好香港故事」?

三年之後,肺炎陰影叫消散咗,我又要問多自己一次呢個初心嘅問題

 

到底我係爲咗啲咩,放棄薪高糧準,自己又鍾意嘅工程師工作,跳出嚟開間補習社?有人認爲我2020嘅時候,見到香港個情況,㷫烚烚辭職,仲話我遲早俾人收買。之前都講過,我諗返覺得好嬲,因爲仲未有人收買我

 

「你咁講,我終於明啦!」

 

當然,每一次啲學生同我講話我幫到佢理解德文,我都清楚知道自己好鍾意教德文。但呢個肯定唔係我唯一嘅目標。

 

其實我好自私,自己好想多啲香港人可以清楚啲見到德國呢個國家,嚟德國生活,學識講德文,陪我喺德國做一個享受異地生活嘅香港人。

 

如果可以令到德國人都認識到真正嘅香港,當然就更加無憾啦。

 

就係喺德國說好香港故事,哈。

 

「香港人在德國

上個禮拜去到柏林,見到我老朋友+師弟,佢就係激發我教德文嘅第一個「學生」,佢另一半都係曾經有同我學過一段時間德文,再加埋一個舊學生,帶埋佢德國老公嚟聽RubberBand。見得返佢地,真係好開心。

 

仲有個學生因爲之前上堂睇Webcam上嘅樣貌比較老積,現實中表明身份之後,我竟然認唔出,唔好意思你見到的話,講聲對唔住!

 

仲有見到之前Gathering認識嘅同鄉,之前喺歌德學院認識嘅朋友,另外有一個香港人走嚟同我講,話好多年前有搵過我傾計,問咗我啲有關德國生活嘅問題

 

好多人我都有見過,雖然好多嘢我都唔清楚記得,但其實點解我會有種「聚舊」嘅感覺?我諗就係因爲我一路無唔記得自己「香港人」呢個身份,我會好想聚集到香港人,當初開個Facebook Group,搞咗幾次Gathering,一路都係咁諗。

 

雖然本身係Engine毒撚一名,平時摺摺哋,但都覺得香港人如果有一個德國Community,係一個幾令人嚮往嘅畫面

 

GRIIP

問返自己初心係咩,答案有啦,咁要做咩?

 

GRIIP

 

有個英文簡稱好似型啲,German Rapid Integeration Incubation Programm「德國快速融入培育計劃」。

 

個名唔係爲型而型,我推呢個Programm,有幾個元素想放入去:

 

一, 專注德文學習,德國文化,德國生活

二, 等參加者可以用最短時間,體驗到最多

三, 唔會講「移民」,而係講點「融入」德國

四, Incubation,唔知中文點譯,「孵化」有啲奇怪,但係想Kickstart到德國生活,亦希望可以同參加者往後有喺德國合作嘅機會

五, GRIIP呢個縮寫,都幾有意思。抓緊機會,行動至上!

 

「我有興趣!」

知你有興趣,又有好多問題,答住你少少先。

 

幾錢?呢條應該係第一條問題。我唔知,因爲內容同長度未完全確定,但我可以同你講定,肯定會貴過旅行社啲歐遊團,因爲我唔係淨係帶你遊山玩水吃喝玩樂,怕貴就唔好搵我。

 

幾耐?未完全確定,但我預計大概十幾日。

 

幾時?估計今年秋夏之間,八九十月嗰頭,睇最後確定參加嘅人咩時間最合適。

做咩?首先一定要你學德文,呢個走唔甩,之後我會帶你周圍去,參加唔同嘅活動,但唔係齋睇齋玩。當中我會盡我可能,用呢個Programm傳遞德國生活最真實嘅一面畀你睇,亦都會一路同你分享我對德國嘅觀察。

 

點解要搵你?我喺德國其實過緊好普通,好平凡嘅日子,但係我一個香港人可以喺德國度平凡生活咁多年,讀過書,做過嘢,起過樓,買過車,開咗公司,結咗婚生咗仔,我覺得應該都有少少不平凡地可以分享到嘅嘢。仲有,多謝你,你應該都相信我,否則你唔會睇到呢度。

 

係咪真係啱我?我都唔知,唯一有可能搵到答案嘅方法係直接搵我傾,睇留言/Bio就可以直接聯絡到我!但都預先講句非誠勿擾,我亦會揀人,唔係話你肯就一定有得參加。

 

有勇氣做一個可能改變你一生決定嘅香港人,我期待你搵我!

 

延伸閱讀:  

 【柏林之旅有感(一)】:夢幻地在柏林聽廣東歌

【柏林之旅有感(三)】「嚟咗先算」的故事

【柏林之旅有感(四)】「把帽子扔過牆」

 

此為石賈墨之原創文章,轉載前請事先徵求授權並註明出處 www.stegermatt.de  

  

 

想緊貼我嘅最新動態?即刻Follow我嘅FacebookInstagram  

想知多啲有關課程嘅資料?即刻Click入嚟呢到睇下啦  

  

歡迎隨時聯絡我了解更多  

WhatsApp:  +4917695274920  

Signal: +4917695274920  

 

Telegram: @Stegermatt 

 

 

Write a comment

Comments: 0