德文課程採用 Microsoft Teams 作為教學平台,以網上遙距方式授課。學生唔再需要侷限喺制式化嘅規定,無論身處何地都可以輕鬆進行即時嘅遠距離學習,令學習變得更有效率、更自由、更方便。
常規課程內容貼近《歐洲共同語言參考標準 CEFR》框架,主力以不同主題教授德文文法、詞彙、表達和溝通技巧。同學可以透過課堂講解、功課跟進以及討論發問,循序漸進地學習德文,達成不同學習目標。
小組課程實行小班教學,唔單止可以加強學生嘅參與度,亦可以令我哋更加聚焦喺每個學生身上,因應學生學習背景以及需要去因材施教。
除咗不同程度的常規課程外,我們亦會定期開辦不同目標的特定課程,例如A1起動課程、備試課程等,滿足不同學生的需要。
學生將會因應唔同嘅程度、上堂日期、上堂時間,而被安排到去唔同嘅班別小組。
課程一期共有 12 堂,並以 6 堂分為上下部分。
課程內容會按照唔同目標同埋程度而有所不同,大致上可以分為:
課程上部分 (第 1 至 6 堂) | 課程下部分(第 7 至 12 堂) |
第 1 堂:語法講解(一) | 第 7 堂 :語法講解(一) |
第 2 堂:語法講解(二) |
第 8 堂 :語法講解(二) |
第 3 堂:主題學習 |
第 9 堂 :主題學習 |
第 4 堂:生字學習 |
第 10 堂:生字學習 |
第 5 堂:提升聽說讀寫嘅能力 |
第 11 堂:提升聽說讀寫嘅能力 |
第 6 堂:釐清問題、解答疑難 |
第 12 堂:釐清問題、解答疑難 |
語法講解
每次會圍繞一個特定嘅語法主題,透過概念講解、舉例說明、方法應用同埋細節分析,以廣東話幫助學生透切咁理解唔同嘅語法,從而提升德文邏輯思維嘅水平。
主題學習
利用大家日常生活所接觸到嘅網上資源,例如 Podcast、影片、音樂、媒體等等,加以分析同埋講解,學習入面嘅生字、語法、句型、風格、文化等等嘅元素,將德文應用喺日常生活之中,令學習唔再侷限係書本入面,提升學生對德文嘅認識。
生字學習
每堂都會有一個特定主題嘅生字表,運用互動嘅形式幫助學生學習生字同埋相關嘅句式。喺唔需要死記硬背嘅情況下,令學生真正理解每個生字嘅用法,而唔單止係流於表面嘅字面意思,有效咁增加學生嘅德文詞彙。
提升聽、說、讀、寫嘅能力
透過多元化嘅練習去訓練各種德文技能,從而提升組句 (Formulierung) 方面嘅能力,亦會鞏固之前所學過嘅內容,務求可以令學生更全面咁掌握相關字詞、語法同埋句型,以最精確嘅方法應用出嚟。
釐清問題、解答疑難
透過釐清同埋解答學生嘅唔同問題,同時重溫同埋總結課程上下部分。鼓勵學生勇於發問,藉此提升每個學生嘅進步速度。
常規課程每期學費:
每人港幣 $3480 起 或 等值歐元*(共十二堂,每堂 90 分鐘)
*收費會根據課堂性質、參加人數、學生德語水平、核心課題等因素而有所調整,中途加入者將以比例計算,歡迎直接查詢。
小組研習班每期學費:
每人港幣 $4680 或 等值歐元*(共十二堂,每堂 90 分鐘)
*收費會根據課堂性質、參加人數、學生德語水平、核心課題等因素而有所調整,中途加入者將以比例計算,歡迎直接查詢。